| e-texts navigator |
| Wylie |
5a1 ལ་ཨོཾ་དུ་གསལ་ལོ།། དེ་ནས་ཨོཾ་དུ་སྣང་བར་བྱས་སོ།། ཨོཾ་གྱི་སྒྲ་ཡང་གྲགས་སོ།། ཁམས་གསུམ་ཀུན་ལ་ཨཱ~ཾ་དུ་གསལ་ལོ།། དེ་ནས་བཛྲ་པཉྩ། ཞེས་བྱ་བའི་སྒྲ་བསྒྲགས་ནས།། གསེར་གྱི་རྡོ་རྗེ་རྩེ་ལྔ་པ
5a2 ཉིད་དུ་བྱས་སོ།། ཀུན་ཏུ་རྡོ་རྗེར་གསལ་ལོ།། དེ་ནས་བཛྲ་བྷ་དྲ་ཞེས་བྱ་བའི་སྒྲ་གྲགས་ནས།། ཉིད་རྡོ་རྗེ་ཀུན་ཏུ་བཟང་པོ་ཡེ་ཤེས་ཀྱི་སྐུར་སྣང་བར་མཛད་དོ།། ཡེ་ཤེས་ཀྱི་སྐུར་སྣང་བར་མཛད་ནས། མ་སྐྱེས་པའི
5a3 ཏིང་ངེ་འཛིན་ལ་ཡང་དག་པར་ཞུགས་ནས། ཆོས་ཀྱི་དབྱིངས་ནམ་མཁའི་གཞལ་ཡས། དེ་བཞིན་ཉིད་དུ་མཉམ་པར་གཤེགས་སོ།། རྡོ་རྗེ་གསང་བ་ལས་ཀྱི་རྒྱུད་ལས། གླེང་གཞིའི་ལེའུ་སྟེ་དང
5a4 པོའོ།། །། དེ་ནས་ཁམས་གསུམ་གནས་པའི་ལྷ་ཆེན་པོ་ཚངས་པའི་རིགས་དང་། བརྒྱ་བྱིན་དབང་པོའི་རིགས་དང་། མ་ཧཱ་དེ་བ་ཆེན་པོ་དང་། སྟེང་ལྷའི་རིགས་དང་། འོག་ས་བདག་གི་རིགས་དང་། ཤར་དྲི
5a5 ཟའི་རིགས་དང་། ལྷོ་གཤིན་རྗེའི་རིགས་དང་། ནུབ་ཀླུའི་རིགས་དང་། བྱང་གནོད་སྦྱིན་གྱི་རིགས་དང་། མེ་ལྷའི་རིགས་དང་། སྲིན་པོའི་རིགས་དང་། རླུང་ལྷའི་རིགས་དང་། དབང་ལྡན་གྱི་རིགས་དང་། ལྷ་མ་ཡིན
5a6 མ་ཡིན་པའི་དང་། རྗེ་བོ་དང་བྲན་མོར་གྱུར་པ་རྣམས་དང་། བདག་ཏུ་རྟོགས་པ་ནི་མ་སྤོངས། འཁྲུལ་པའི་གཟུང་འཛིན་ནི་མ་བྲལ། བླང་དོར་མེད་པའི་ཐེག་པ་ལ་མ་ཞུགས་པའི་དབང་གིས། དེ་དག་ཐམས་ཅད་ལ
iiif viewer powered by OpenSeadragon
