| e-texts navigator |
| Wylie |
4b1 རྒྱ་གར་སྐད་དུ། བཛྲ་མ་ཧ་གུ་ཧྱ་ཀརྨ་ཏན་ཏྲ། བོད་སྐད་དུ། རྡོ་རྗེ་གསང་བ་ཆེན་པོ་ལས་ཀྱི་རྒྱུད། བཅོམ་ལྡན་འདས་དཔལ་རྡོ་རྗེ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བཤད་པའི་དུས་གཅིག་ན།
4b2 བཅོམ་ལྡན་ཆོས་ཐམས་ཅད་ཀྱི་བདག་ཉིད་ཆེན་པོ་དེ། འོག་མིན་ཆོས་ཀྱི་དབྱིངས་ནམ་མཁའི་གཞལ་ཡས་དབུས་མེད་པ་ན། དུས་གསུམ་གྱི་སངས་རྒྱས་དང་། ཁམས་གསུམ་གྱི་སེམས་ཅན་དང་། ཆོས་ཐམས་ཅད
4b3 དང་། ཀུན་མཉམ་པར་བཞུགས་པའི་དུས་ན། བཅོམ་ལྡན་འདས་རྡོ་རྗེ་ཀུན་ཏུ་བཟང་པོ་དེ་ཉིད་ཀྱི་ཆོས་ཉིད་ཀྱི་རང་བཞིན་དེ་ལ། ཉིད་ཀྱི་དགོངས་པ་ལ་ཞུགས་པས། ཆོས་ཐམས་ཅད་སངས་རྒྱས་པར་མཁྱེན་ཏོ།། དེ
4b4 ནས་བཅོམ་ལྡན་འདས་རྡོ་རྗེ་ཀུན་ཏུ་བཟང་པོ་རིགས་ཀྱི་བདག་པོ་དེས། དུས་གསུམ་གྱི་སངས་རྒྱས་དང་། ཁམས་གསུམ་གྱི་སེམས་ཅན་དང་། ཆོས་ཐམས་ཅད་ཉིད་དང་མཉམ་པར་བཞེད་ནས་མ་སྐྱེས་པའི་ཆོས་ཉིད
4b5 ལ་བཞུགས་སོ།། དེ་ནས་མ་བསྐྱེད་པའི་ཆོས་ཉིད་དེ་ཀུན་ལ་སྣང་བར་བཞེད་ནས། ཡེ་ཤེས་ཀུན་ཏུ་སྣང་བ་ཞེས་བྱ་བའི་ཏིང་ངེ་འཛིན་ལ་ཞུགས་ནས། མ་སྐྱེས་པའི་སྙིང་པོ། ཡེ་ཤེས་ཀྱི་ཨ་ཞེས་བྱ་བའི་སྙིང་པོ་འདི
4b6 བསྒྲགས་སོ།། ཁམས་གསུམ་ཀུན་ལ་ཨར་གསལ་ལོ།། ཆོས་ཐམས་ཅད་མ་སྐྱེས་པ་ཡེ་ཤེས་ཀྱི་རང་བཞིན་དེ་ཨ་ལས་ཨཽ་སྣང་བར་བྱས་སོ།། ཁམས་གསུམ་ཀུན་ལ་ཨོར་གསལ་ལོ།། ཨོའི་སྒྲ་ཡང་གྲགས་སོ།། ཀུན
iiif viewer powered by OpenSeadragon
