| e-texts navigator |
| Wylie |
3a1 ནས་ནི།། ཐམས་ཅད་འདུས་ནས་མཉམ་པ་ཉིད།། ཐིག་ལེ་རབ་ཏུ་གསལ་བ་ཡིན། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཡང་དག་བསྒྲུབ་པའི་རྒྱུད་ལས། ཁྲོ་བོ་སྟོན་པའི་ལེའུ་སྟེ་གསུམ
3a2 པའོ།། །། དེ་ནས་རྒྱུའི་ཏིང་ངེ་འཛིན་ལ་སྙོམས་པར་ཞུགས་ནས་བཀའ་སྩལ་པ། རིམ་མམ་ཅིག་ཅར་འཇུག་པའི་གནས།། རི་རྩེ་ཆུ་འགྲམ་ས་གཞི་ལེགས།། བདུད་རྩི་བྱུག་པ་བྱས་ནས་ནི།། ཆོས་རྣམས་རང
3a3 བཞིན་རྣམས་དག་ལས།། ཡི་གེ་སོ་སོའི་ངོ་བོ་རུ།། དབང་བས་དོན་དེ་འཇུག་བརྟག་བྱ།། ཡི་གེ་བཀོད་པའི་འཇུག་སྤྱོད་པ་ནི།། སོ་སོར་རྟོག་པའི་ཡེ་ཤེས་སོ།། དེ་ཡི་རང་བཞིན་ཡེ་ཤེས་སོ།། དེ་ཡི་རང་བཞིན་འོད
3a4 གསལ་བ།། གསལ་ལ་དག་པ་དྲི་མ་མེད།། དེ་ལས་སྒྱུ་མའི་སྐུ་རྣམས་རྫོགས།། མཚན་དང་དཔེ་བྱད་རྣམ་དག་པ།། མེ་ལོང་ཡེ་ཤེས་ལས་གྲུབ་པ།། མཚན་མ་ལ་སོགས་སྦྱོར་བ་གང་།། རང་བཞིན་མེད་པའི་རང
3a5 བཞིན་གྱིས།། མཉམ་ཉིད་ལས་ནི་གྲུབ་པ་ཡིན།། ཡེ་ཤེས་དེ་ནི་འདིར་བཤད་དོ།། དེ་ནས་སྒྱུ་མ་ཡི་གནས་སུ།། ཐམས་ཅད་མཁའ་ལྟར་དག་པ་ཡིན།། བཀའ་ཡི་འཁོར་ལོ་སྦྱོར་བ་དང་།། ལྷ་ཡི་ཕོ་བྲང་སྒྱུ་མའི
3a6 སྐུ།། མཁའ་ལ་སོགས་པ་དུ་མའི་རྒྱ།། བྱ་བའི་རིག་པ་ཐམས་ཅད་དག། རང་བཞིན་མཉམ་པ་ཉིད་ཡིན་ནོ།། ཚོན་སྐུ་པདྨ་ལྷ་ཡི་རིགས།། སྐུ་གསུང་ཐུགས་སུ་བརླབ་པར་བྱ།། དེ་བཞིན་གཤེགས་པ་ཐམས་ཅད་ཀྱི
iiif viewer powered by OpenSeadragon
