| e-texts navigator |
| Wylie |
135b1 ཅད་ཀྱི།། སྐུ་གསུང་ཐུགས་ཀྱི་བཅུད་ཀྱང་བསྡུས།། སྣང་སྲིད་སྣོད་བཅུད་ཐམས་ཅད་ཀྱི།། བཅུད་ཀྱི་དམ་པ་ཀུན་བསྡུས་ནས།། དུས་གསུམ་སངས་རྒྱས་མཆོད་པའི་ཕྱིར།། གུ་ཧྱ་ལག་གི་ཕྱག་རྒྱ་ལ།། དབུས་སུ་ཀླུ
135b2 བདག་ས་བོན་བསམ།། གཞུང་བཞིན་བསྟན་པའི་འཕྲོ་འདུ་ཡིས།། བཀའ་བཞིན་བསྟན་པའི་དངོས་གྲུབ་བླང་། མུ་ཏིག་དཀར་པོ་དྲི་མེད་ལྟར།། སྒྲུབ་པ་པོས་ནི་ནན་ཏན་བྱ།། དགུ་པའི་སྔགས་ཀྱིས་བཏབ་ནས
135b3 ནི།། ལེ་ལོ་མེད་པའི་བརྩོན་འགྲུས་ཀྱིས།། བར་ཆད་མེད་པའི་འཕྲོ་འདུ་བྱས།། ཨོཾ་ལས་ཡེ་ཤེས་འོད་འབྱུང་བཞིན།། ཨོཾ་གྱིས་མེས་བསྲེགས་ཐལ་བར་འགྱུར།། ཧཱུཾ་གིས་ཀུན་གཞི་རྣམ་པར་དག། གསལ་ལ་བྱུང་འཇུག
135b4 ལྷན་ནེ་བོས།། རྟགས་དང་མཚན་མ་བདུན་གྱིས་འབྱུང་།། རྟགས་བྱུང་དངོས་གྲུབ་སྦྱར་ཏེ་བླང་། རྟགས་བཟང་འབྱིན་པར་བྱེད་པ་ནི།། སྔོན་ཚེ་འདས་དུས་དང་པོ་ལ།། ཚངས་དང་དྲང་སྲོང་ཀླུ་རྣམས་དང་།། ཤིང
135b5 དང་སྨན་གྱི་ལྷ་མོ་ཡིས།། ཀུན་བཟང་ལྷ་ཡི་སྤྱན་སྔ་རུ།། ཁས་བླངས་དམ་བཅས་དབང་ནོས་པ།། དངོས་བཞི་ལྔ་ཡི་དམ་རྫས་ལ།། རྒྱལ་བའི་སྐུ་ལྔ་བསྒྲུབ་པ་དང་།། གཟུགས་སྒྲ་དྲི་རོ་རེག་རྣམས་ལ།། དཀྱིལ་འཁོར
135b6 ལྷ་རྣམས་བསྒྲུབས་ནས་ནི།། ཇི་ལྟར་འདོད་པའི་རྟགས་འབྱུང་སྟེ།། བྱང་ཆུབ་སེམས་ལས་སྒྲ་བྱུང་བ།། རྨ་ལུང་བུ་མོ་ཐང་བཟངས་ཀྱིས།། སྒྲ་དེ་སྙན་པ་སྒྲོགས་པར་བྱེད།། རག་ཏ་མདངས་ལས་འོད་འབྱུང་བ།། ཤིང
iiif viewer powered by OpenSeadragon
