| e-texts navigator |
| Wylie |
135a1 རིགས་སོ་སོ་སྒྲུབ་པ་བསྟན་ཏོ།། རྡོ་རྗེ་གསང་བ་ལས་ཀྱི་རྒྱུད་ལས།། གནས་དང་དཀྱིལ་འཁོར་དང་། དུས་ཀྱི་ལེའུ་སྟེ་དྲུག་པའོ།། །། དེ་ནས་སྟོན་པ་རྡོ་རྗེ་ཀུན་ཏུ་བཟང་པོ་དེས། སྒྲུབ་པ་དོན་གྱི
135a2 མཐའ་ཡོད་པར་བྱ་བའི་ཕྱིར། རྟགས་དང་དངོས་གྲུབ་དབང་ཐོབ་པར་བྱ་བ་འདི་གསུངས་སོ།། ཀྱེ་ཚངས་དང་དྲང་སྲོང་ཀླུ་ཡི་ཚོགས།། གོང་བཤེད་ཡིད་འོང་གནས་དེ་རུ།། བྱ་བ་མེད་པའི་ལས་སྒྲུབ་པ།། བྱིན
135a3 བརླབས་མཚམས་བཅད་བརྟན་བྱས་ལ།། དཀྱིལ་འཁོར་ལུས་གང་གྲུ་བཞི་ནི།། དྲི་སྣ་ལྔ་དང་དམ་རྫས་ལྔས།། མཎྜལ་བྱས་ལ་གདན་བྱ་བ།། ཐིག་བཞི་བཏབ་པས་དཀྱིལ་འཁོར་བརྒྱད།། མཎྜལ་བརྒྱད་པའི་ལས
135a4 གཞུང་བཞིན།། དེ་ཡི་རྩེ་མོ་བརྒྱད་ལ་ཡང་།། ཡིད་བཞིན་ནོར་བུ་འབར་འདྲ་བྲི།། དེ་དབུས་བཞག་པའི་གཞལ་ཡས་ནི།། སྲིད་གསུམ་བན་དྷ་བཟང་ཁོར་ཡུག། ཡེ་ནས་རང་བྱུང་མ་བཅོས་སྣོད།། དཔལ་དང་ལྡན
135a5 པའི་སྣོད་བཞག་ལ།། དེ་ཡི་ནང་དུ་བླུགས་པའི་སྨན།། ཡེ་ནས་རང་བྱུང་བདུད་རྩི་ལྔ།། དམ་རྫས་ལྔ་ནི་བདུད་རྩི་མཆོག། སྟོང་ལས་འབྱོར་པས་ཡེ་ནས་དག། བཏགས་དང་བཙག་དང་གཞལ་བ་ཡིས།། ཉི་ཟླ
135a6 གསལ་བའི་དཀྱིལ་འཁོར་བདག། འབྲུ་ལྔ་ཡེ་ཤེས་འཕྲོ་འདུ་ལས།། རིགས་ཆེན་ལྔ་ཡི་སྐུ་ལྟར་གསལ།། སྐུ་ལྔར་གནས་ཀྱི་འཕྲོ་འདུ་ཡིས།། ཆོས་ཀྱི་དབྱིངས་དང་ནམ་མཁའི་ཁམས།། དུས་གསུམ་སངས་རྒྱས་ཐམས
iiif viewer powered by OpenSeadragon
