| e-texts navigator |
| Wylie |
134a1 དུས་ནི་འདི་བསྟན་ཏོ།། རི་མདུན་དང་ནི་ནགས་ཚལ་མདུན།། གངས་རི་དཀར་པོའི་མདུན་དང་ནི།། སྲིབས་རི་སྨུག་པོའི་མདུན་ལོགས་ན།། རྩི་ཤིང་ནགས་ཚལ་སྣ་ཚོགས་དང་།། མེ་ཏོག་ཁ་དོག་སྣ
134a2 ཚོགས་ཚང་།། བསྒྲུབ་པའི་གནས་མཆོག་དེར་སྒྲུབས་ཤིག། དུས་ནི་བཟང་པོ་དུས་བཞི་སྟེ།། དང་པོ་ཚེ་སྒྲུབ་དབྱར་བསྒྲུབ་ལ།། བར་དུ་ལོངས་སྤྱོད་སྨན་བསྒྲུབ།། འབྲས་བུ་སྨིན་པའི་སྟོན་གསུམ་བསྒྲུབ།། དབང་དུ
134a3 བསྡུ་བའི་དུས་བསྟན་པ།། ཐམས་ཅད་རྒྱས་འདེབས་དགུན་དབང་བསྒྲུབ།། ཞི་རྒྱས་དབང་དང་མངོན་སྤྱོད་ཀྱི།། ལས་བཞི་ལྷུན་གྱིས་གྲུབ་འདོད་པ།། དཔྱིད་གསུམ་མར་གྱི་ངོ་ལའོ།། དེ་དུས་ཞག་དང་ཚེས
134a4 གྲངས་ནི།། དབྱར་གསུམ་ཚེ་བསྒྲུབ་དུས་ཚེས་ནི།། གཅིག་དང་གཉིས་གསུམ་དུས་ཚོགས་ལ།། ཚེ་རྟགས་ནམ་བྱུང་བར་དུའོ།། སྟོན་སྨན་སྒྲུབ་པའི་དུས་ཚེས་ནི།། གཅིག་དང་ལྔ་གསུམ་དུས་ཚོགས་ལ།། བརྒྱད་ལ
134a5 བཙུགས་ལ་ཉ་ལ་གདོན།། མ་གྲུབ་སྤོབས་ཐབས་བསྒྱུར་ལ་བྱ།། གནས་དེར་དུས་དེར་ཚོགས་ནས་ནི།། དང་པོར་དཀྱིལ་འཁོར་བསྟན་པ་ནི།། ཆེ་ཆུང་ཚད་ནི་སྤྱིར་ཚད་མེད།། ལྷ་མི་ཚངས་པ་ལ་སོགས་པའི།། རང
134a6 ལུས་རྡོ་རྗེ་ཕུང་པོ་ལ།། ཆེ་ཆུང་ཚད་ནི་དེ་ལ་བྱ།། འདོམ་གང་གཟུགས་ཀྱི་ཕུང་པོ་ལ།། ལྷ་ཡི་དཀྱིལ་འཁོར་ཚོམ་བུར་ལྡན།། དེ་ཡི་དཀྱིལ་འཁོར་ཚད་བརྩིགས་ལ།། དྲི་སྣ་ལྔ་དང་བདུད་རྩི་ལྔས།། ཆག་ཆག
iiif viewer powered by OpenSeadragon
