| e-texts navigator |
| Wylie |
133b1 པར་གྱུར།། དེ་ནས་རྒྱལ་བའི་སྲས་བསྐྱེད་པ།། དཔའ་བོ་འབྲུ་ལྔས་ལམ་ལྔ་བཀག། ཨོཾ་ཨཱ་ཧཱུཾ་སྭཱ་ཧཱ། འོག་མིན་བླ་མེད་བྱང་ཆུབ་ཏུ།། ཡེ་ཤེས་རླུང་གིས་བཏེག་ནས་ནི།། སྦྱོར་བའི་ལྷུམས་སུ་ཕཊ་ཀྱིས་འཕང་།། གསང
133b2 བའི་དབྱངས་སུ་ཧཱུཾ་གིས་བསྡུ།། སྐུ་བསྐྱེད་ཡེ་ཤེས་སྐུར་སྤྲོས་ཏེ།། དབྱིངས་དང་ཡེ་ཤེས་ལྷུན་གྲུབ་པས།། སངས་རྒྱས་ཞིང་ཁམས་རབ་འབྱམས་དང་།། བདེ་གཤེགས་ཕོ་བྲང་དཀྱིལ་འཁོར་དུ།། རྫུ་འཕྲུལ་ཞབས་དང
133b3 ལྡན་པ་ཡིས།། འཕགས་པའི་ལམ་གྱི་རླུང་ཞུགས་ནས།། ཆོས་ཀྱི་འཁོར་ལོ་བསྐོར་ཞིང་གཤེགས།། འཇིག་རྟེན་ལྷ་དང་གཙོ་བོར་བཅས།། ཉན་ཐོས་རང་རྒྱལ་ས་བཅུ་ལས།། འཇིག་རྟེན་འདས་པའི་མཆོད་པས
133b4 མཆོད།། རྫུ་འཕྲུལ་ཞབས་དང་ལྡན་པ་ཡིས།། སྟུག་པོ་བཀོད་པའི་ས་ལས་འདས།། པདྨ་སྤྱན་གྱི་ས་ལ་གནས།། སྐྱེད་འཇིག་མེད་པའི་སྐུ་ཐོབ་པས།། སྟོང་གསུམ་མ་ལུས་བཏོན་པ་ནི།། འབུམ་གྱི་ཆར་ཡང་མི་ཕོད
133b5 དོ།། ཞེས་རྡོ་རྗེ་གསང་བ་ལས་ཀྱི་རྒྱུད་ལས།། སྟ་ནས་མནན་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་ཀུན་ཏུ་བཟང་པོ་དེས། ཐམས་ཅད་བདུད་རྩིར་བསྒྲུབ་པའི་གནས་དང་། དུས་དང་། སྒྲུབ་ཐབས་འདི
133b6 གསུངས་སོ།། ཀྱེ་ཚངས་དང་དྲང་སྲོང་ཀླུ་རྣམས་དང་།། ཤིང་དང་སྨན་གྱི་ལྷ་མོ་རྣམས།། ཐམས་ཅད་བདུད་རྩིར་བསྒྲུབས་ནས་ནི།། རྒྱལ་བ་རིགས་ལྔར་གྲུབ་ནས་ནི།། སྐུ་ལྔ་གྲུབ་པར་འདོད་པའི་ཚེ།། གནས་དང
iiif viewer powered by OpenSeadragon
