| e-texts navigator |
| Wylie |
131b1 བོ་བཞིས་བསྐོར་བ།། ཕྱག་རྒྱ་བཞི་བཞི་ལྔ་ཚན་ལྔ།། དམ་པ་རིགས་སུ་བཤད་པ་ཡིན།། ཆེ་མཆོག་སྐུ་ལ་ཀུན་རྫོགས་པས།། སངས་རྒྱས་ཐམས་ཅད་སྐུ་ལ་རྫོགས།། ཉིད་ལས་མ་བྱུང་སངས་རྒྱས་མེད།། ཅེས
131b2 གསུངས་སོ།། རྡོ་རྗེ་གསང་བ་ལས་ཀྱི་རྒྱུད་ལས། ཐམས་ཅད་དགོངས་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་ཀུན་ཏུ་བཟང་པོ་དེས།། ལྟ་སྤྱོད་དམ་ཚིག་འདི་གསུངས་སོ།། ཀྱེ་འཁོར་གྱི་དྲང་སྲོང་སྒྲུབ
131b3 པ་རྣམས།། དང་པོ་ལྟ་བ་འདི་ལྟར་ལྟོས།། དུས་གསུམ་སངས་རྒྱས་ཐམས་ཅད་དང་། ཁམས་གསུམ་སེམས་ཅན་ཐམས་ཅད་དང་།། སྣང་སྲིད་སྣོད་བཅུད་ཐམས་ཅད་ཀུན།། བྱང་ཆུབ་སེམས་ལས་བྱུང་བར
131b4 མཉམ།། ཡེ་ནས་བདུད་རྩི་ཡིན་པའི་ཕྱིར།། བདུད་རྩི་ཉིད་ལས་གཞན་མེད་དོ།། ལྔ་བཞི་དྲུག་ཏུ་སྣང་བ་ཡང་།། སངས་རྒྱས་སྐུ་དང་ཡེ་ཤེས་ཡིན།། ཆོས་ཉིད་དབྱིངས་ན་རང་བཞིན་གནས།། ཡེ་ནས་བདེ་ཆེན་སངས
131b5 རྒྱས་པས།། བདུད་རྩི་ཞེས་ནི་དེ་ལ་བྱ།། ལྟ་བ་འདི་ལ་གང་གནས་པ།། ཤིན་ཏུ་རྣམ་འབྱོར་སྐལ་བ་བཟང་།། ཞེས་གསུངས་སོ།། ལྟ་བ་དེ་ལ་གནས་ནས་ནི།། སྤྱོད་པའི་དམ་ཚིག་འདི་ལྟར་སྤྱོད།། སྟོང་རྩ་བརྒྱད་ཀྱི
131b6 དམ་ཚིག་ནི།། མི་སྤང་བ་དང་དང་དུ་བླང་།། ཤེས་པ་ལྔ་དང་སྤྱད་པ་ལྔས།། གྲུབ་པར་བྱ་བའི་ཐབས་དག་ནི།། མི་འདོད་ཀུན་ཀྱང་སྤོང་བྱེད་པའི།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོན་རྣམ་པ
iiif viewer powered by OpenSeadragon
