| e-texts navigator |
| Wylie |
131a1 ནི།། ཡུམ་ཆེན་ཁྲོ་མོ་གནམ་ཞལ་ཏེ།། སྣོད་བཅུད་འཛིན་པའི་དཀྱིལ་འཁོར་རོ།། ཆེ་མཆོག་རྫོགས་པའི་སྐུ་དེ་ནི།། ཞི་ཁྲོ་རྫོགས་པའི་སྐུར་བསྟན་ཏེ།། སངས་རྒྱས་ཐམས་ཅད་རྫོགས་པའི་སྐུའོ།། མཐིང
131a2 ནག་ཆོས་ཉིད་འགྱུར་བ་མེད།། སྨུག་ནག་དྲག་པོའི་ལས་ཀྱང་མཛད།། ཁ་དོག་རྣམ་ལྔ་ཡོན་ཏན་རྟགས།། དབུ་ནི་ཉི་ཤུ་རྩ་གཅིག་པོ།། ཡེ་ཤེས་ཉི་ཤུ་རྩ་གཅིག་སྟེ།། སེམས་དཔའ་བཅུ་དྲུག་རྒྱལ་པོ་ལྔ།། ཀུན་ཏུ
131a3 གསལ་བར་བྱེད་པའོ།། ཕྱག་ནི་བཞི་བཅུ་རྩ་གཉིས་ནི།། ཁྲོ་བོ་འབར་གཏུམ་ཕྱག་མཚན་ཏེ།། དང་པོ་གཉིས་ཀྱི་ཕྱག་མཚན་ནི།། རང་རྟགས་རྡོ་རྗེ་དྲིལ་བུ་འཛིན།། མ་སྐྱེས་རྡོ་རྗེ་སྒྲ་ཡང་སྒྲོགས།། གཡས་ཀྱི་བར་མ
131a4 བཅོ་བརྒྱད་ན།། ཀཻ་རི་བརྒྱད་དང་འཇིགས་བྱེད་བཅུ།། གཡོན་གྱི་བར་མ་བཅོ་བརྒྱད་ན།། སིང་ཧ་བརྒྱད་དང་མགྱོགས་བྱེད་བཅུའོ།། གཡས་གཉིས་གཡོན་གཉིས་ཐ་མ་བཞི།། སྒོ་སྐྱོང་མདོང་མོ་འགུགས་འཆིང
131a5 བཞི།། ཞི་དང་ཁྲོ་བོར་བཅས་པ་ཡི།། སངས་རྒྱས་དཀྱིལ་འཁོར་སྐུ་ལ་རྫོགས།། དབུས་ཀྱི་གཙོ་བོ་རྡོ་རྗེ་ལ།། གསང་བའི་ཁྲོ་བོ་བཞི་ཡིས་བསྐོར།། སྤྲོ་དང་བསྡུ་དང་འགགས་དང་འཇོམས།། སངས་རྒྱས་ཀུན་ཀྱང
131a6 རང་རེ་ཡི།། དགོངས་པའི་འཕྲིན་ལས་རང་རེ་མཛད།། སེམས་དཔའ་བརྒྱད་གཉིས་བཅུ་དྲུག་དང་།། རིགས་ཀྱི་གཙོ་བོ་ལྔ་རྣམས་ལ།། ཕྱག་རྒྱ་ཆེན་པོ་བཞི་བཞིར་ལྡན།། དབུས་ཀྱི་གཙོ་བོ་རྡོ་རྗེ་ལ།། གསང་བའི་ཁྲོ
iiif viewer powered by OpenSeadragon
