| e-texts navigator |
| Wylie |
130b1 མཆོག་ཡོངས་སུ་རྫོགས་སྐུ་དེ།། སྐུ་ནི་མཐིང་ནག་འབར་བ་ལ།། ཞི་བའི་དབུ་ལ་ཕྱག་རྒྱར་ལྡན།། བཞི་བཅུ་རྩ་གཉིས་ང་ཡི་ཕྱག། ཞབས་བརྒྱད་གནམ་ཞལ་སྦྱོར་བ་མཛད།། ཕྱག་རྒྱ་བཞི་དང་འཕྲོ་འདུ་དང་།། གུ་ཧྱ
130b2 རྟ་མཆོག་ཕྱག་རྒྱ་དང་།། དགུ་པ་འཛབ་ཀྱི་འཕྲོ་འདུ་འདི།། དུས་གསུམ་སངས་རྒྱས་ཐམས་ཅད་དང་། ཁམས་གསུམ་སེམས་ཅན་ཐམས་ཅད་དང་།། སྣང་སྲིད་སྣོད་བཅུད་ཐམས་ཅད་ཀུན།། ཧཱུཾ་གིས་ཐུགས་ནི་གསང
130b3 བར་སྡུད།། ཐུགས་ནི་གསང་བའི་དབྱིངས་རུམ་དུ།། གཉིས་སུ་མེད་པའི་སྦྱོར་བ་ཡིས།། བདུད་རྩི་བྱང་ཆུབ་སེམས་སུ་སྦྱོར།། བདུད་རྩི་བྱང་ཆུབ་སེམས་དེ་ནི།། མུ་ཏིག་དཀར་པོ་དྲི་མེད་མདོག། དངོས་ནི་ཆོས་ཉིད
130b4 བྱང་ཆུབ་སེམས།། རིགས་ལྔ་ཡེ་ཤེས་ལྔ་ཡི་དངོས།། སངས་རྒྱས་རྣམས་ཀྱི་སྐུ་གསུང་ཐུགས།། ཞེས་རྡོ་རྗེ་གསང་བ་ལས་ཀྱི་རྒྱུད་ལས།། བདུད་རྩི་ཆེ་མཆོག་གིས་དགོངས་པའི་ལེའུ་སྟེ་གསུམ་པའོ།། །། དེ་ནས་རྡོ
130b5 རྗེ་ཀུན་ཏུ་བཟང་པོ་དེས། ཆེ་མཆོག་སྐུ་དང་དགོངས་པ་བཤད་པ་འདི་གསུངས་སོ།། ཆེ་མཆོག་ཡོངས་སུ་རྫོགས་པའི་སྐུ།། མི་འདུལ་བ་ཡང་མ་མཆིས་ལ།། མ་བཏུལ་བ་ཡང་མ་མཆིས་སོ།། མ་གྲུབ་པ་ཡང་མ་མཆིས
130b6 སོ།། དེ་ཡང་ཇི་ལྟར་གཏུལ་ཞེ་ན།། སྐུ་གཅིག་ལ་ནི་སྐུ་བཞི་རྫོགས།། ཞབས་ནི་ཁྲོ་བཅུའི་དཀྱིལ་འཁོར་ལ།། སྐུ་གདུང་འབར་བའི་སྐུ་ལྔ་ནི།། རིགས་ལྔ་ཧེ་རུའི་དཀྱིལ་འཁོར་རོ།། ཐུགས་ནི་གསང་བའི་དབྱིངས་རུམ
iiif viewer powered by OpenSeadragon
