| e-texts navigator |
| Wylie |
129b1 རྗེ་དབྱིངས་སུ་རྒྱས།། མ་སྐྱེས་རྡོ་རྗེ་དབྱིངས་སུ་རྒྱས།། ཞེས་རྡོ་རྗེ་གསང་བ་ལས་ཀྱི་རྒྱུད་ལས།། སྨན་དབྱེ་གསོག་བྱ་བའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་ཀུན་བཟང་ཆེ་མཆོག་དེས། ཡོངས་སུ་རྫོགས་པའི
129b2 སྐུར་བཞེས་པ་འདི་གསུངས་སོ།། ང་ཡིས་སྐུ་ནི་ཡོངས་སུ་རྫོགས།། ང་ཡི་ཞབས་ཀྱི་སྤྲུལ་པ་ལས།། ཁྲོ་བོ་ཆེན་པོ་བཅུ་སྤྲུལ་ནས།། ཕྱོགས་བཅུ་འཇིག་རྟེན་དབང་བསྡུས་ནས།། བགེགས་རྒྱལ་གནོན་པའི་སྤྲུལ་པ
129b3 ཡིན།། ང་ཡི་སྐུ་གདུང་འབར་བ་ལས།། རིགས་ལྔ་རྩ་བ་འཛིན་སྤྲུལ་ནས། ཁམས་གསུམ་རྒྱུད་དྲུག་དབ་ང་བསྡུས་ནས།། རྒྱུད་ལྔ་སྦྱོང་བའི་སྤྲུལ་པ་ཡིན།། ང་ཡི་ཐུགས་གསང་དབྱིབས་རུམ་ལས།། ཡུམ་ཆེན་ཁྲོ་མོ
129b4 གནམ་ཞལ་སྤྲུལ།། སྣང་སྲིད་སྣོད་བཅུད་དབང་བསྡུས་ནས།། བདུད་རྩི་འབྱུང་བའི་ཡུམ་ཆེན་འཚལ།། ང་ཡི་སྐུ་ནི་རྫོགས་པ་ལས།། སངས་རྒྱས་ཐམས་ཅད་རྫོགས་པའི་སྐུ།། དབུ་ནི་ཉི་ཤུ་རྩ་གཅིག་ལ།། ཕྱག་ནི་བཞི
129b5 བཅུ་རྩ་གཉིས་ཏེ།། ཞབས་ནི་རྣམ་པ་བརྒྱད་དུ་ལྡན།། སྐུ་གཅིག་ཡོངས་སུ་རྫོགས་པ་ལ།། དུས་གསུམ་སངས་རྒྱས་ཐམས་ཅད་ཚང་།། དེ་ཡང་ཇི་ལྟར་དགོངས་པ་མཛད།། བདུད་རྩི་སྦྱོར་བའི་སྐུ་རུ་རྫོགས།། དེ་ཡང
129b6 ཇི་ལྟར་རྫོགས་ཤེ་ན།། ང་ཡི་ཞབས་ཀྱིས་སྤྲུལ་པ་ལས། ཁྲོ་བོ་ཆེན་པོ་བཅུ་ཕྱུང་ནས།། སྐུ་མདོག་སོ་སོར་རིགས་དང་མཐུན།། ཕྱག་རྒྱ་བཞི་ལྡན་འཕྲོ་འདུ་དང་།། གུ་ཧྱ་རྟ་མཆོག་ཕྱག་རྒྱ་དང་། དགུ་པ་འཛབ་ཀྱི་འཕྲོ
iiif viewer powered by OpenSeadragon
