| e-texts navigator |
| Wylie |
129a1 བའི་དྲི་ནི་ལྷོ་རུ་དགོད།། ཡང་ན་རོ་ཡིས་དགོད་པར་བྱ། ཁ་བ་དང་ནི་མངར་བ་དང་། ཁ་ཚ་རོ་མེད་རྣམ་པ་ལྔ། ཁ་བ་རྡོ་རྗེ་རིགས་སུ་དགོད།། མངར་བ་པད་མའི་རིགས་སུ་དགོད།། ཚ་བ་ལས་ཀྱི
129a2 རིགས་སུ་དགོད།། རོ་མེད་དེ་བཞིན་རིགས་སུ་དགོད།། སྐུར་བ་རིན་ཆེན་རིགས་སུ་དགོད།། དགོད་པ་དེ་ཡི་སྣོད་རྣམས་ནི།། དབུས་སུ་བན་ད་སུལ་མེད་ལ།། ཤར་དུ་སུལ་བུ་འགྲེང་བ་བཞག། ལྷོ་རུ་བན་དྷ་སུལ
129a3 མངས་ལ།། ནུབ་ཏུ་བན་ད་ཟླ་ཁམ་གཞག། བྱང་དུ་རྡོ་རྗེ་རྒྱ་གྲམ་སྟེ།། ཤོང་བུ་བཞི་པ་གཞག་པར་བྱ།། ཡབ་ཡུམ་སྙིང་པོ་རིམ་བཞིན་སྦྱར།། རྣམ་གཅིག་མི་དབྱེ་གསོག་པ་ནི།། ཞིང་ཆེན་གཡང་གཞི་མ་ཉམས
129a4 པའི།། དཀྱིལ་དུ་དཔའ་བོ་འབྲུ་ལྔ་བྲི།། དེ་སྟེང་སྣོད་བཅུད་སྤུང་པ་ནི།། དཔའ་བོ་འབྲུ་ལྔ་སྐུ་བསྐྱེད་ལ།། སྐུ་ལྔའི་འཕྲོ་འདུ་བྱས་པ་ནི།། རྒྱུད་ལྔའི་གནས་དག་སྦྱངས་པ་ནི།། དེ་ཉིད་རིགས་ལྔས་སྦྱངས་པ་ཡིན།། རྒྱལ
129a5 བ་རིགས་ལྔ་དེ་ཉིད་ལ།། གཟུགས་དང་སྒྲ་དང་དྲི་དང་རོ།། རེག་ལ་སོགས་པའི་སེམས་དཔས་བསྐོར།། ཕྱག་རྒྱ་ཆེན་པོ་བཞིར་བཞིར་ལྡན།། དེ་ཡིས་སྒྲོ་དང་བསྡུ་བྱས་ནས།། དམ་པ་རིགས་བརྒྱས་སྦྱངས་པ
129a6 ཡིན།། རིགས་ལྔ་རིགས་བརྒྱས་སྦྱངས་པ་ཡིས།། སྣང་སྲིད་སྣོད་བཅུད་ཐམས་ཅད་ཀུན།། རྒྱལ་བ་རིག་ཆེན་ལྔ་རྣམས་དང་།། གཟུགས་སྒྲ་དྲི་རོ་རེག་སོགས་ཀྱི།། སེམས་དཔའ་བཅུ་དྲུག་སྒོ་བ་བཞི།། སངས་རྒྱས་རྡོ།
iiif viewer powered by OpenSeadragon
