| e-texts navigator |
| Wylie |
127b1 ཡིས།། རིགས་ཆེན་ལྔའི་འཕྲོ་འདུ་ཡིས།། སྣོད་བཅུད་ཐམས་ཅད་དེ་རུ་བསྡུ།། སྣོད་བཅུད་བསྡུས་པའི་དཀྱིལ་འཁོར་རོ།། སྣོད་དེར་གསོལ་བའི་སྨན་རྣམས་ནི།། འབྱུང་བ་ལྔ་ལས་སྐྱེས་པ་ཡི།། སྟོང་རྩ་བརྒྱད་དམ
127b2 གྲངས་མེད་པའི།། ལ་ལའི་དུག་ཀྱང་ལ་ལའི་སྨན།། མཐའ་ཡང་བརྗོད་ཀྱིས་མི་ལང་བསོག། མེད་དུ་མི་རུང་བརྒྱ་རྩ་བརྒྱད།། དེ་ཡང་གང་དང་གང་ཞེ་ན།། རྩ་བ་བརྒྱད་དང་འབྲས་བུ་ལྔ།། ཤ་ལྔ་དབང་པོ་ལྔ་ཡི
127b3 གཟུགས།། དེ་འཕྲད་ཤིང་ཐོག་རྣམས་པ་ལྔ།། དྲི་སྣ་ལྔ་དང་དྲི་རྒྱལ་ལྔ།། དེ་བཞིན་སྤོས་ཆེན་རྣམ་ལྔ་དང་།། ཆུ་ལྔ་དང་ནི་རུས་པ་ལྔ།། སྣ་ལྔ་དང་ནི་ལྕེ་ལྔ་དང་།། རྣ་བ་ལྔ་ཡང་མེད་མི་རུང་།། དེ་བཞིན་མིག་ལྔ་ལག་པ
127b4 ལྔ།། ཚ་ལྔ་དག་ཀྱང་རབ་ཏུ་སྦྱར།། རྩིཏྟ་ལྔ་དང་ཀླད་པ་ལྔ།། མེ་ཏོག་རྣམ་པ་ལྔ་རྣམས་སྦྱར།། རིན་པོ་ཆེ་ནི་རྣམ་པ་ལྔ།། དམ་རྫས་ལྔའི་འཕྲད་སྦྱོར་བས།། དེ་རྣམས་མེ་དུ་མི་རུང་ངོ་།། དེ་ལ་རྩ་བ་བརྒྱད་རྣམས
127b5 ནི།། མགོ་ཙི་ཧཱ་དང་ལེང་ལེང་ཧཱ།། གྷི་ཧང་ཆུང་ཇི་བྷང་རས་ཡན།། ག་བུར་མུ་ཏིག་ལན་ཚྭ་རྣམས།། དེ་ལ་རྩ་བ་བརྒྱད་ཅེས་བྱའོ།། ནང་གི་འབྲས་བུ་རྣམ་ལྔ་ནི།། ཨ་འབྲས་རྒུན་འབྲུམ་པ་ན་སེ།། གེར་ཡ་ཨ་རུ་ཀ་དང
127b6 ལྔའོ།། སེང་གེ་གླང་ཆེན་རྟ་ཆོག་ཤ།། རྨ་བྱ་ཤ་དང་ཤང་ཤང་ཤའོ།། དབང་པོ་ལྔའི་གཟུགས་ལྔ་ནི།། མིག་དང་རྣ་བ་སྣ་དང་ལྕེ།། གཙོ་བོ་ཙིཏྟ་ཉིད་དང་ལྔའོ།། དེ་འཕྲད་ཤིང་ཐོག་རྣམ་ལྔ་ནི།། རྒུན་འབྲུམ་དང་ནི་ཀ་ཀོ
iiif viewer powered by OpenSeadragon
