| e-texts navigator |
| Wylie |
127a1 དེ་ནས་རྡོ་རྗེ་ཀུན་ཏུ་བཟང་པོ་སྐུ་ཀུན་ཏུ་འགྱུར་བའི་རྒྱལ་པོ་དེས། ཉིད་ཀྱི་འཁོར་དེ་རྣམས་སྐྱེས་པ་མེད་ཅིང་རྟོག་པ་ཐམས་ཅད་དང་བྲལ་བ། བདུད་རྩི་ཆེན་པོ་ཐོབ་པར་བྱ་བའི་ཕྱིར། ཉིད་མི
127a2 སྣང་བར་བྱས་ཏེ། ནམ་མཁའ་སྒྲ་སྒྲོགས་པའི་གསུང་། ཨ་ཨཱ་ཞེས་པའི་སྒྲ་བྱུང་བས། འཁོར་གྱི་ཆོས་ཐམས་ཅད་སྐྱེ་བ་མེད་པར་རིག་གོ། ཨེ་ཨེ་ཞེས་པའི་སྒྲ་བྱུང་བས་ཆོས་ཐམས་ཅད་ནམ་མཁའ་ལྟར་གསལ
127a3 ལོ།། ཨོཾ་ཨོ་ཞེས་པའི་སྒྲ་བྱུང་བས། ཆོས་ཐམས་ཅད་སྐྱེ་བའི་ཆོ་འཕྲུལ་འབྱུང་བར་གསལ་ལོ།། ཨོཾ་ཨོཾ་ཞེས་པའི་སྒྲ་བྱུང་བས། རྡོ་རྗེ་ཀུན་ཏུ་བཟང་པོ་ཉིད་ཀྱི་སྐུ། ཆེ་མཆོག་ཡོངས་སུ་རྫོགས་པའི་སྐུ། རིགས་ལྔ་དང་།
127a4 ཡུམ་ཁྲོ་མོ་གནམ་ཞལ་དང་། ཁྲོ་བོ་ཆེན་པོ་བཅུ་དང་། འཇིགས་བྱེད་དང་། འཕྲ་མེན་དང་། ཁྲོ་མོ་བརྒྱད་དང་། འཕྲ་མེན་བརྒྱད་དང་། སྒོ་མ་བཞི་དང་། དཀྱིལ་འཁོར་གྱི་ལྷ་ཚོགས་རྫོགས་པའི་གསལ་ལོ།། དེ་ནས་རྡོ
127a5 རྗེ་ཀུན་ཏུ་བཟང་པོ་དེས། དང་པོ་སྣོད་བཅུད་ཀྱི་དཀྱིལ་འཁོར་བསྐྱེད་པ་འདི་གསུངས་སོ།། ཨེ་ཡཾ་ཁཾ་སུ་བྲུཾ། ཞེས་དབང་ཆེན་གྱི་དཀྱིལ་འཁོར་ཡོངས་སུ་རྫོགས་པར་བསྐྱེད། དེ་ནས་བདུད་རྩི་ཆར་ཕབ་ནས།། ཐམས
127a6 ཅད་རྒྱས་ཤིང་སྨིན་པར་བྱས།། ཐམས་ཅད་རང་བྱུང་བདུད་རྩིར་སྨིན།། དེ་ནས་སྣོད་བཅུད་བསྡུ་བའི་ཕྱིར།། ཤུན་ཆེན་གནས་གཞི་གདན་སྟེངས་སུ།། བ་ན་དྷ་མཚན་ལྡན་རྣམ་ལྔ་ལ།། དཔའ་བོ་འབྲུ་ལྔའི་འཕྲོ་འདུ
iiif viewer powered by OpenSeadragon
