| e-texts navigator |
| Wylie |
125b1 ཅན་ཐམས་ཅད་དང་།། མཚན་མར་བརྟགས་པ་ཐམས་ཅད་ཀུན།། དེ་བཞིན་ཉིད་ལས་གཞན་མ་ཡིན།། དེ་བཞིན་ཉིད་ལས་གཞན་པའི་ཆོས།། སངས་རྒྱས་ཉིད་ཀྱིས་མི་མཁྱེན་ནོ།། ཕྱི་ནང་མ་ལུས་སྣོད་བཅུད
125b2 ཀྱང་།། ཡབ་ཡུམ་བདེ་བའི་ངང་དུ་གསལ།། འདི་ནི་སྙིང་པོ་བྱང་ཆུབ་ལུང་།། ཡང་དག་མ་རིག་འཁྱམ་འགྱུར་བ།། ཁམས་གསུམ་ཐམས་ཅད་བསྒྲལ་བའི་ཞིང་།། མ་སྐྱེས་པས་ན་འཇིག་པ་མེད།། བདག་དང་གཉིས
125b3 མེད་མཉམ་པའི།། ཐུགས་རྗེ་ཆེན་པོ་ཅིར་མི་མཛད།། ཡང་དག་ཉིད་ལ་ཡང་དག་སྒྲོལ།། ཡང་དག་བསྒྲལ་ན་བདེ་བ་ཐོབ།། སྟོང་གསུམ་མ་ལུས་བསྐྱབ་པ་བས།། སྐྱེས་བུ་ཆེན་པོ་རྣལ་འབྱོར་གྱིས།། བསྒྲལ་བ་འབའ
125b4 ཞིག་སྙིང་རྗེའི་མཆོག། མི་ལྡོག་དབྱིངས་སུ་ཡང་དག་ཉིད།། ཐིག་ལེ་ཆེན་པོས་དབང་བསྐུར་ཏེ།། ཟླ་གསང་དབུས་ན་བྱང་ཆུབ་སེམས།། རྫོགས་སངས་རྒྱས་ལ་སོམ་ཉི་མེད།། རྣམ་དག་དྲི་ཆེན་སྣང་བའི་མཆོག། མི
125b5 བསྐྱོད་བྱང་ཆུབ་སེམས་ཉིད་དེ།། རིན་ཆེན་མང་བ་འབྱུང་ལྡན་གཙོ།། སྣང་བ་མཐའ་ཡས་རཀྟའི་ཐུགས།། དོན་ཡོད་དྲི་ཆུ་ལས་གྲུབ་པས།། ཐམས་ཅད་མ་ལུས་སངས་རྒྱས་ལྔ།། ལུས་པ་མེད་པས་ཡེ་ཤེས་དང་།། མ
125b6 བཅོས་ཡེ་ནས་འདི་ཉིད་དོ།། དེ་ཕྱིར་སྨན་ཆེན་དངོས་གྲུབ་མཆོག། བདུད་རྩི་ཞེས་ནི་འདི་ལ་བྱ།། རྟོག་པའི་ཀློང་དུ་སུ་འདྲིས་པ།། མི་ཞེས་མི་བྱ་སངས་རྒྱས་ཡིན།། བཅོམ་ལྡན་འདས་ནི་གུད་ན་མེད།། རིགས་ལྔ་བདེ
iiif viewer powered by OpenSeadragon
