| e-texts navigator |
| Wylie |
124b1 @། རྒྱ་གར་སྐད་དུ། སརྦ་པཉྩ་ཨ་མྲྀ་ཏ། བོད་སྐད་དུ། ཐམས་ཅད་བདུད་རྩི་ལྔའི་རང་བཞིན། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བཤད་པའི་དུས་གཅིག་སྟེ། བཅོམ
124b2 ལྡན་འདས་གསང་བ་མཆོག་གི་དཀྱིལ་འཁོར་ན།། ཤིན་ཏུ་རྣལ་འབྱོར་དབང་ཕྱུག་ཚོགས།། སྐལ་ལྡན་རྣམས་དང་ཐབས་གཅིག་སྟེ།། མདོ་སྡེའི་བྱང་ཆུབ་སེམས་དཔའ་དང་།། དགྲ་བཅོམ་ཉན་ཐོས་རང་རྒྱལ
124b3 དང་།། ཐེག་དམན་མིང་ཡང་མེད་ནང་དུ།། གསང་སྔགས་གསང་བའི་སྙིང་པོ་འདི།། བདུད་རྩི་མཆོག་གི་ལྟ་བ་དང་།། སྤྱོད་པ་བསྒྲུབ་པ་འདི་གསུངས་སོ།། བསམ་གྱིས་མི་ཁྱབ་བསྟན་པ་དང་།། བརྒྱད་ཁྲི་བཞི་སྟོང
124b4 རྣམ་གྲངས་ཀྱང་།། ཐེག་པའི་སྒོ་ནི་གསུམ་དུ་གསུངས།། གསང་ཉིད་ཐིག་པར་བསྡུས་དང་བཞི།། ལྡེམ་པོར་དགོངས་པའི་མདོ་དོན་ཡང་།། ཀྲི་ཡའི་དོན་ཏེ་སངས་རྒྱས་ཡིན།། རྣ་བརྒྱུད་སྟོན་པས་ཐུགས་བརྟོལ
124b5 ཏོ།། ངེས་པའི་ལུང་ཡང་སངས་རྒྱས་ལ།། སངས་རྒྱས་མཉམ་དང་དབྱིངས་སུ་འགྲོ།། བྱང་ཆུབ་སེམས་དེ་ཀུན་ཏུ་དག། རྫོགས་པའི་ཡེ་ཤེས་དེ་བཞིན་ཉིད།། མ་རྟོག་སྦྱོང་བའི་ཡུལ་མ་ཡིན།། མ་ལུས་མཐའ་དག་ཉིད
124b6 ཀྱི་རྒྱ།། ཡེ་ནས་བྱ་མེད་བྱ་མི་དགོས།། རྒྱུ་དང་འབྲས་བུ་འཁྲུལ་བའི་སྒྲ།། བྱང་ཆུབ་ཉིད་དེ་ལྟུང་གནས་མེད།། བྷ་ག་ཇི་བཞིན་བདེ་བར་གནས།། རྒྱུད་དང་ལུང་དང་མན་ངག་དང་།། དམངས་དང་རྗེ་དང་རྒྱལ་པོའི
iiif viewer powered by OpenSeadragon
