| e-texts navigator |
| Wylie |
123b1 རྒྱ་གར་སྐད་དུ། བོ་དྷི་ཙིཏྟ་བཛྲ་ས་མ་ཏི་ན་མ། བོད་སྐད་དུ། བྱང་ཆུབ་ཀྱི་སེམས་རྡོ་རྗེ་ལྟ་བུའི་བསམ་གཏན་ཅེས་བྱ་བ། ཀུན་བཟང་ཧེ་རུ་ཀ་ལ་ཕྱག་འཚལ་ལོ།། ཆོས་རྣམས་མ་ལུས་འབྱུང་བའི་གཞི།། ཐིག་ལེ
123b2 ཆེན་པོའི་རང་བཞིན་ནི།། རྡོ་རྗེ་སྙིང་པོ་རང་འཁྲུངས་དཔལ།། སྣང་དང་བརྗོད་པའི་མཐའ་ལས་གྲོལ།། རྒྱལ་བའི་དགོངས་པ་འབྱུང་བའི་གནས།། རྣལ་འབྱོར་གསུམ་གྱི་མེ་ལོང་དུ།། སྤྲོས་བྲལ་སེམས་ཀྱི་ངོ་བོ
123b3 ཉིད།། དབྱེར་མེད་ཉིད་བཞི་ངོ་སྤྲད་པས།། ངོ་བོ་ཉིད་དེ་མཐོང་གྱུར་ནས།། རྟོག་བཅས་ཡུལ་ལས་གྲོལ་བ་དང་།། མི་རྟོག་ཡེ་ཤེས་ཤར་བའི་ཕྱིར།། བདེ་བ་ཆེན་པོའི་རྟགས་གསུམ་འཆར།། འདུ་འཕྲོད་དབྱིངས་སུ
123b4 དག་པ་དང་།། རིག་པ་ཡེ་ཤེས་ཡུལ་མེད་པས།། ཆོས་ཉིད་མ་དང་ཕྲད་པའི་ཕྱིར།། དགོངས་པ་ཀུན་གྱི་མཆོག་ཅེས་བྱ།། དབྱིངས་ཀྱི་མཁའ་འགྲོ་རྣམ་ལྔ་ཡིས།། དགོངས་པའི་ངང་ལས་རིག་པ་ནི།། གཟི་ལྡན་འབར
123b5 བའི་སྙིང་པོ་བཞིན།། དེ་ཉིད་མ་བཅོས་ངང་ལ་ཞོག། རིགས་དང་སྐུ་མདོག་ཕྱག་མཚན་དང་།། ཡི་གེ་སྙིང་པོ་འཕྲོ་འདུ་ཡང་།། མ་བཀག་དབྱིངས་སུ་གྲོལ་བའི་ཕྱིར།། ཀུན་ཏུ་བཟང་པོ་ཉིད་དུ་ཟུང་།། དབྱིངས་ཀྱི་སྙིང
123b6 པོ་ཡེ་ཤེས་ཉིད།། སེམས་ཀྱི་དཀྱིལ་འཁོར་དངས་པ་ལ།། ཡེ་ཤེས་ལྔ་རུ་ཤར་བའི་ཕྱིར།། ཀུན་ཏུ་བཟང་པོ་ཉིད་དུ་ཟུང་།། བདེ་གསལ་དབྱིངས་དང་ཡེ་ཤེས་ཀྱིས།། ངང་ལས་མ་སྤངས་རྟོག་པ་ཡི།། མཐུ་དང་བྲལ
iiif viewer powered by OpenSeadragon
