| e-texts navigator |
| Wylie |
122b1 ཡོན་ཏན་རྣམ་ལྔར་ཡང་།། མ་འགག་པ་དང་གསལ་བའི་ཕྱིར།། སྤྱད་པར་བྱ་བའི་ལོངས་སྤྱོད་དེས།། ཆོས་ཀྱི་དབྱིངས་ཀྱི་རོལ་པ་ལས།། མ་འདྲེས་གསལ་བར་ལོངས་སྤྱོད་ཆེ།། རང་བཞིན་མེད་དང་མ་སྐྱེས
122b2 པས།། ཆགས་པར་བྱེད་པ་གནས་མ་ཡིན།། ཐིག་ལེ་ཆེན་པོའི་རང་བཞིན་ལ།། མ་སྐྱེས་མ་འགགས་དབྱེར་མེད་དང་།། གསལ་དང་སྟོང་པར་མི་དམིགས་པས།། སྤྱོད་བྱ་སྤྱོད་བྱེད་ཐ་དད་མིན།། རང་རྒྱུད་སྤྱོད་ལམ་མ
122b3 གྲོལ་བར།། ཐར་པ་ཆེན་པོར་དམ་བཅས་ཀྱང་།། བརྐམ་ཆགས་ལྔ་ཡི་མེ་དཔུང་གིས།། བྱང་ཆུབ་མྱུ་གུ་བསྲེག་པར་འགྱུར།། དེ་ལས་གྲོལ་བའི་ཡོན་ཏན་ནི།། ཉོན་མོངས་སྡིག་པས་མ་གོས་པས།། ཐབས་དང་ཚད
122b4 དང་དགོས་ཆེད་དོ།། ཐབས་ཀྱི་རླུང་གི་འཁོར་ལོ་ནས།། རྡོ་རྗེ་ཁ་ཏོང་གཞུ་བདུངས་ཏེ།། ཤེས་རབ་ཡེ་ཤེས་མེད་འུ་ལས།། སྤྲོས་པའི་ཐིག་ལེ་དགུ་རྣམས་འཕངས།། ཆགས་ཚད་ཐུན་དང་བསྟན་པའོ།། ཐུན་ནི་རབ
122b5 འབྲིང་ཐ་མ་སྟེ།། དྲུག་དང་བཞི་དང་གཉིས་པར་བསྒོམ།། བརྟན་པ་ལས་དང་ཡེ་ཤེས་ཀྱིས།། གཏུམ་མོ་ལུས་ལ་འབར་བའོ།། དགོས་ཆེད་དཔལ་ལྡན་རིགས་ལྔ་ཡི།། མཁའ་འགྲོའི་ཚོགས་ཀྱི་དཀྱིལ་འཁོར
122b6 དུ།། གདོད་མ་ཉིད་ནས་གནས་པའི་དོན།། རང་ལ་འབར་བར་བྱེད་པའོ།། རྗེས་ཤེས་ཐུན་ཚོད་གཅིག་དག་ཏུ།། བདེ་བ་གསལ་བ་མི་རྟོག་པའི།། ངང་ལ་མཉམ་པར་གཞག་ནས་ནི།། སྤྱོད་ཡུལ་ཀུན་དང་བསྲེ་བར
iiif viewer powered by OpenSeadragon