| e-texts navigator |
| Wylie |
122a1 ལ།། འཇའ་ལྟར་གསལ་བའི་ལྷ་བསྒོམས་པས།། ཀུན་རྟགས་འཁྲུལ་སྣང་དག་པའི་ཕྱིར།། འདས་པའི་ས་ལ་ཕྱིར་སྒྲིབ་ཅིང་། ཁ་ཅིག་མཐོ་རིས་ཙམ་འགོག་པའི།། ཉི་ཤུ་རྩ་གཅིག་སྒྲིབ་བྱང
122a2 ནས།། སྒྱུ་སྤྱོད་བསོད་ནམས་ཚོགས་ཆེན་སྐུ།། ལྷ་ཡི་ཏིང་འཛིན་གསལ་རྫོགས་ཏེ།། ལུས་ཀྱི་རྒྱ་མདུད་གྲོལ་མ་ཐག། ཡེ་ཤེས་སྐུ་ཡི་ཕྱག་རྒྱར་གསལ།། ཕྱག་རྒྱ་ཉིད་ནི་རང་སྣང་སྟེ།། རང་སྣང་སྤྱོད་ཡུལ་བྲལ་བ
122a3 དང་།། རྒྱུ་འབྲས་དབྱེར་མེད་རྟོགས་གོམས་པས།། སངས་རྒྱས་ས་ལ་སྒྲིབས་བྱེད་པའི།། ཤེས་དང་ལྷ་སྒྲིབ་ཕྲ་བ་དང་།། ཕྲ་བའི་ཕྲ་བའང་དག་གྱུར་ནས།། འབྲས་བུ་ཡེ་ཤེས་ཚོགས་ཀྱི་སྐུ།། རང་ལུས་རྒྱལ་བའི་ཕྱག
122a4 རྒྱར་གསལ།། མཚན་དང་དཔེ་བྱད་མ་འདྲེས་རྫོགས།། སངས་རྒྱས་ཀུན་དང་ཅུང་ཟད་མཉམ།། སྐྲོད་པའི་ངེས་ཚིག་རྣམ་གྲངས་དང་།། སྤྱད་པའི་ཐབས་དང་ཉེས་དམིགས་དང་།། ཕན་ཡོན་རྣམ་པ་ལྔར་ཤེས
122a5 བྱ།། ངེས་ཚིག་ལོངས་སྤྱོད་འགྲོ་འདུག་ཚེ།། ཟག་གཅོད་པ་དང་ཉམས་ལེན་གྱིས།། ཤུགས་ལས་བྱུང་དང་མགོ་མཚུངས་པར།། མི་འབྲས་སྤྱོད་པས་སྤྱོད་ཤེས་བྱ།། རྣམ་གྲངས་ཐབས་ལམ་གྲོལ་ལམ་གྱིས།། ཕྱེ་བས
122a6 གནས་སྐབས་གཉིས་སུ་གྱུར།། སྤྱད་ཐབས་དང་པོ་ཐབས་ལམ་ནི།། སྐྱེ་ཤི་མེད་པའི་སྟན་དང་།། འཆིང་གྲོལ་མེད་པའི་འགའ་ན་ལ།། གདེངས་ལྡན་སྐྱེས་བུ་ཆེན་པོ་ཡིས།། གྲོལ་ལམ་ཕྱི་ནང་གསང་བ་ཡི།། ཀུན་སྤྱོད
iiif viewer powered by OpenSeadragon