| e-texts navigator |
| Wylie |
121b1 གིས།། རིགས་ཀྱིས་ཡང་ན་ཅིག་ཅར་དུ།། དཔལ་ལྡན་མཁའ་འགྲོའི་ཚོགས་རྣམས་ལ།། ཏིང་ངེ་འཛིན་གྱི་རྣམ་དག་གིས།། མཉེས་པར་བྱ་ཞིང་འདུ་འཕྲོ་བསྐུལ།། སེམས་ཀྱི་ཆོ་འཕྲུལ་རང་སྣང་བའི།། རང་བཞིན
121b2 དཀྱིལ་འཁོར་བསྒོམ་བྱ་སྟེ།། བརྗོད་དུ་མེད་པའི་འཕྲིན་ལས་དང་།། མཉམ་པ་ཆེན་པོའི་དམ་ཚིག་གིས།། བསམ་གཏན་ཡོངས་སུ་འཕེལ་བ་ཞེས།། ཡང་དག་རྫོགས་སངས་རྒྱས་ཀྱིས་བཤད།། རྣལ་འབྱོར་བླ་ན་མེད
121b3 པ་ཡིས།། ལྷ་བདག་གཉིས་སུ་དབྱེར་མེད་པའི།། ཡེ་ཤེས་ཆེན་པོའི་ཕྱག་རྒྱ་ལ།། དྲི་མ་མེད་པའི་བློ་གཞག་སྟེ།། འདུ་འཕྲོ་མེད་པའི་ཏིང་འཛིན་གྱིས།། ངང་ལ་གནས་པའི་རྣལ་འབྱོར་ནི།། རྒྱལ་བ་རྣམས་ཀྱི་སྐུ
121b4 གསུང་ཐུགས།། ཕྱོགས་དུས་ཀུན་ལས་འཁྱིལ་བའི་དཔལ།། བཅོས་ཐབས་སྤྱི་དང་ཁྱད་པར་ལས།། སྤྱི་སྐྱོན་བྱིང་རྒོད་ལྡེངས་གསུམ་ནི།། ཟས་དང་སྤྱོད་ལམ་དུས་ཚོད་དང་།། ཁམས་དང་ཏིང་འཛིན་འཕེལ་འགྲིབ
121b5 ཀྱིས།། གནས་སྐབས་ཀུན་ཏུ་གང་བབས་པའི།། སྐྱོན་དེང་ཡོངས་སུ་སྤང་བར་བྱ།། ཁྱད་པར་དམིགས་པ་འབྱམས་པ་དང་།། མ་ཐོབ་པ་དང་འགྱུར་བས་ཏེ།། མཚན་ཉིད་ལྡན་པའི་གཟུགས་སྐུ་ལ།། མ་ཡེངས་པ་ཡི
121b6 བསམ་གཏན་གྱིས།། སོ་སོའི་སྐབས་དང་སྦྱོར་ཤེས་པས།། དེ་དག་ཀུན་ལས་གྲོལ་བར་འགྱུར།། ཕན་ཡོན་རྣམ་པ་གཉིས་བཤད་དེ།། སྒྲིབ་པ་བྱང་དང་ཚོགས་རྫོགས་པའོ།། མཁའ་ལྟར་དག་པའི་སེམས་ཉིད
iiif viewer powered by OpenSeadragon