| e-texts navigator |
| Wylie |
121a1 ཟླའི་དཀྱིལ་འཁོར་ཇི་བཞིན་དུ།། ཤིན་ཏུ་གསལ་ལ་མི་རྟོག་པ།། ཐོག་མ་ཉིད་ནས་གནས་པ་ཡིན།། མཚན་ཉིད་དཀྱིལ་འཁོར་རང་སྣང་བ།། དངུལ་དཀར་མེ་ལོང་བཞིན་ལྟར་སྣང་།། གསལ་ལ
121a2 རྫོགས་པར་བསྒོམ་བྱ་སྟེ།། ཕྱལ་བ་རབ་འབྲིང་ཐུན་རྐྱང་སྤང་།། ཆོ་ག་ཤེས་ཡེ་ཤེས་སྒྱུ་མའི་སྐུ།། གསལ་བའི་ཆེན་ཐུན་བསྐྱུངས་ཏེ།། ཁམས་སོགས་ནུས་པ་མཛད་པའི་རྒྱུ།། ཐུན་ཆེས་པ་དང་གྲགས་པ་སྤངས།། སྟོང
121a3 རིམས་མཁའ་སྤྲིན་མཁར་དེངས་བཞིན།། རིམས་ཀྱིས་གཏང་བར་བྱ་བ་ལས།། མི་རྟོགས་ཡེ་ཤེས་འགག་པའི་རྒྱུ།། སྐད་ཅིག་དྲག་པོས་མ་གཏོང་ངོ་།། རྗེས་ཤེས་ཐུན་ཚད་གཅིག་དག་ཏུ།། དམིགས་པ་ཀུན་གྱི་གཞིར
121a4 གྱུར་པའི།། གཉིས་མེད་ངང་ལ་བློ་བཞག་ལ།། སྤྱོད་ཡུལ་ཀུན་དང་བསྲེ་པར་བྱ།། བོགས་འབྱུང་ཕྱི་ནང་གསང་བ་ཡི།། རིག་པའི་རྩལ་སྦྱོང་རྣམ་གསུམ་གྱིས།། རང་སྣང་དབྱེར་མེད་རྡོ་རྗེའི་སྐུ།། ངོ་བོ་ཉིད་ཀྱིས་རྒྱས
121a5 པར་འགྱུར།། དང་པོ་གདེང་ལྡན་རྣལ་འབྱོར་པས།། མཉམ་པའི་ངང་ལ་བཞེངས་ནས་ནི།། སྙན་པའི་དབྱངས་དང་ལྡན་པ་ཡིས།། བསྐྱེད་དང་སྤྱན་དྲང་མཆོད་རིམ་སོགས།། ཆུ་ཟླ་ལྟ་བུར་ཤེས་པས་ནི།། དེ་བཞིན
121a6 ཉིད་ལས་མི་བྱེད་པའི།། ལྷ་ཚོགས་སྒོམ་པའི་གྲོགས་སུ་འགྱུར།། དེ་ནས་རྣལ་འབྱོར་ཆེན་པོ་ཡིས།། ལུས་ངག་བྱ་བ་ཀུན་སྤངས་ཏེ།། དམིགས་པ་མེད་པའི་ངང་ཉིད་ལས།། མི་གསུང་མཉམ་པའི་སྔགས་ཚིག
iiif viewer powered by OpenSeadragon