| e-texts navigator |
| Wylie |
120b1 སྟེ།། ཉིན་ཀྱང་ནུས་ལ་མཚན་ཀྱང་ནུས།། ཉིན་མཚན་གཅིག་ཏུ་དྲིལ་ནུས་པས།། རྣམ་པར་སྨིན་ཅེས་དེ་ལ་བརྗོད།། ཕྱི་ནང་གསང་བའི་རྟགས་གསུམ་ནི།། ཡི་གེ་ཟུག་མཚན་ཕྲ་མོ་ཡིས།། ནམ་མཁའི་ཁམས་ཀུན་གང
120b2 བ་དང་།། གཟུངས་སུ་འཇའ་དང་འོད་འབྱུང་དང་།། གཏི་མུག་མེད་དང་བདེ་ཡང་ལྡན།། རང་ལུས་རྒྱལ་པའི་ཕྱག་རྒྱ་ཆེ།། དབུགས་ཀྱི་རྒྱུ་བ་མི་ཚོར་ཞིང་།། སྙིང་རྗེ་ཆེ་དང་ཆགས་པ་ཆུང་།། ཆོས་ཀྱི་སྒོ་མོ་ནང་ནས
120b3 འཆར།། སྤྱོད་ཡུལ་ཡེ་ཤེས་སྒྱུ་མར་གསལ།། སངས་རྒྱས་བྱང་ཆུབ་སེམས་དཔའ་དང་།། མཁའ་འགྲོའི་ཚོགས་ཀྱིས་མཆོད་བྱེད་ཅིང་།། ཉམས་པ་རེ་དོགས་མེད་པར་འབྱུང་།། བསམ་གཏན་སྦྱོར་དངོས་རྗེས་གསུམ
120b4 ལས།། གསལ་བའི་ཚད་ནི་འབྱུང་བ་སྟེ།། དང་པོ་མ་བུའི་འདུ་ཤེས་བཟིན།། མི་ངལ་བ་ཡི་སེམས་ཀྱིས་ནི།། སྣང་སྟོང་དབྱེར་མེད་ཡེ་ཤེས་སྐུ།། བདེ་གསལ་དང་ལ་གནས་པའི་རྐྱེན།། བདེ་བ་བུམ་གཟུགས་ཏིལ་སྒྲོན
120b5 བཞིན།། སེམས་ཉིད་ཡེ་ཤེས་སྒྱུ་མའི་སྐུ།། རིགས་དང་སྐུ་མདོག་ཕྱག་མཚན་སོགས།། ཤིན་ཏུ་གསལ་ལ་མི་རྟོག་པའོ།། ཐམ་བཅུད་ལ་ན་བུ་འཕང་ལྟར།། གནས་པས་མི་ངོམས་གཏང་བར་དཀའ།། དམིགས་པ་དག
120b6 གི་རྗེས་ལ་ནི།། མི་དམིགས་ཆོས་ཉིད་ཤུགས་ལས་འཆར།། ཡོངས་སུ་བརྟན་པའི་ཆོ་ག་ནི།། རང་བཞིན་མཚན་ཉིད་ཆོག་ཤེས་དང་།། སྟོང་རིམས་རྗེ་ཤེས་རྣམ་ལྔ་སྟེ།། རང་བཞིན་དམིགས་མེད་དེ་བཞིན་ཉིད།། ཆུ
iiif viewer powered by OpenSeadragon