| e-texts navigator |
| Wylie |
120a1 གསུམ་དང་།། ཐུགས་ཀྱི་དཀྱིལ་དུ་བཀའ་རྐན་ཚོགས།། གདུལ་བྱ་དབང་པོའི་བྱེ་བྲག་གིས།། གཅིག་ལས་གཉིས་སུ་ཕྱེ་བར་ཟད།། རྒྱན་ཡང་རིན་ཆེན་དུར་ཁྲོད་སོགས།། རང་གི་ཡོན་ཏན་རྒྱས་ཕྱིར
120a2 བརྒྱན།། འོད་ཟེར་ཀུན་ཏུ་མཐའ་ཡས་པས།། ཐུགས་རྗེ་ཆེན་པོའི་སྤྲུལ་པ་ཉིད།། རང་བཞིན་ཆུ་ཟླའི་དཀྱིལ་འཁོར་ལྟར།། ཡོད་པ་མ་ཡིན་སྤྱོད་ཡུལ་བྲལ།། མེད་པ་མ་ཡིན་ཕྱག་རྒྱའི་སྐུ།། ཡོད་མེད་དབུ་མར་མི་རྟོག
120a3 པའི།། ལྷུན་གྲུབ་ཡེ་ཤེས་རང་སྣང་ཕྱིར།། སེམས་ཉིད་ཡེ་ཤེས་སྒྱུ་མའི་སྐུ།། སྣང་ལ་རང་བཞིན་མེད་པར་རོ།། ཐུན་ནི་རྣལ་འབྱོར་གཉིས་དབང་གིས།། གསར་བུ་རྣམས་ཀྱིས་བསླབ་པ་ནི།། མཚན་མོ་མི་སྒོམ་བདེ
120a4 བར་ནོས།། ཉིན་མོ་རྩོལ་དང་མི་རྩོལ་བའི།། ཐུན་ཆུང་བརྒྱད་གཉིས་བཅུ་དྲུག་ཏུ།། ཕྱི་ནང་གསང་བའི་ཐུན་ཚོད་ཀྱིས།། ཤེས་པར་བྱས་ལ་ཐུན་ཏུ་གཞུག། དེ་ལ་བརྟན་པའི་རྣལ་འབྱོར་པས།། འབྲིས་ཡང་ཆེན་པོར
120a5 དྲིལ་བྱོས་ལ།། རང་གསལ་རྟོག་མེད་ཡེ་ཤེས་སྐུ།། ཐུན་བཞིའི་རྣལ་འབྱོར་བརྟེན་པར་བྱ།། རྙིང་པ་རྣམས་ཀྱི་ཉམས་ལེན་ཚེ།། མཚན་མོ་ཡང་ནི་བསྒོམ་པར་བྱ།། ཉིན་མོ་བཞི་དང་མཚན་མོ་བཞི།། བསམ་གཏན
120a6 བརྒྱད་པའི་རྣལ་འབྱོར་བསྒོམ།། དེ་ནས་ཉིན་ཞག་ཕྲུགས་གཅིག་ལ།། ཐུན་འབྲིང་གཉིས་གཉིས་བསྒོམས་པ་ཡིན།། ཐུན་བཞི་སྒོམ་པའི་རྣལ་འབྱོར་ཏེ།། ཅུང་ཟད་ཡེངས་ཀྱང་ཡེ་ཤེས་སྐུ།། དེ་ནས་རྣལ་འབྱོར་ཆེན་པོ
iiif viewer powered by OpenSeadragon