| e-texts navigator |
| Wylie |
119a1 གོ་ཆ་བགོས་པར་བྱའོ།། བསླབ་པའི་ཐབས་ལ་རྣམ་བཞི་སྟེ།། ཐོབ་པར་བྱ་དང་མཚན་ཉིད་དང་།། རང་བཞིན་ཐུན་གྱི་འཕེལ་འགྲིབ་བོ།། ཐོབ་པའི་མན་ངག་ནི།། དཔེ་དང་བསྐྱེད་རིམ་ཐོག་བབས
119a2 དང་།། ལོག་གནོན་སྟོབས་ཀྱིས་ཐོབ་པར་འགྱུར།། དཔེ་ལས་ཐོབ་འདོད་རྣལ་འབྱོར་པས།། རན་བྱས་བྱི་དོར་ལྡན་པའི་ས།། བསམ་གཏན་ཁང་པ་ཡིད་འོང་བར།། བདེ་བའི་སྟན་ལ་ཆོས་བདུན་ཚུལ།། སྟོན་པ་མན
119a3 ངག་གསུམ་ལྡན་པས།། མཚན་ལྡན་འོད་དང་གཟུགས་སྐུ་ཞིག། རྣལ་འབྱོར་དེ་ལ་རྫོགས་པར་སྦྱིན།། སྣང་དང་མི་སྣང་ཐབས་ཀྱི་བསླབ།། རླུང་སེམས་གཅིག་ཏུ་དྲིལ་བྱས་ལ།། སྣང་བ་ཐམས་ཅད་ཕྱག་རྒྱ་སྟེ།། ཕྱག
119a4 རྒྱ་ཟབས་དང་གསལ་བརྟན་ནས།། མི་སྣང་ཚེ་ནའང་ཐོབ་པར་བྱ།། དེ་ཉིད་གསལ་རྫོགས་གོམ་བརྟེན་ནས།། ལུས་ལ་གཟུད་པའི་སྦྱོར་བ་ཡང་།། བདེ་ཆེན་གནས་སུ་སྤྱན་དྲངས་ལ།། ཐིག་ལེ་ཆེན་པོར་བཞུ་བརྟུལ
119a5 བྱ།། ཐིག་ལེས་འཁོར་ལོ་དྲུག་རྒྱས་པ།། རྐྱེན་གྱི་སྟོབས་ཀྱིས་ལྟར་གསལ་ཕྱིར།། བདག་ཉིད་ཕྱག་རྒྱའི་རྣལ་འབྱོར་དུ།། ཡོངས་སུ་རྫོགས་པས་བདེ་བ་ཆེ།། བསྐྱེད་པའི་རིམ་པའི་རྣལ་འབྱོར་ནི།། རྩ་བའི་ཡི་གེ་ཧཱུཾ་མུཾ
119a6 དང་།། ཧ་ཧེ་མ་བྱོ་ཕཊ་རིམས་ལས།། དཔལ་ཆེན་ཡུམ་དྲུག་རྗེ་མོ་དང་།། སྨན་མོ་ལྔ་བཅུ་རྩ་དྲུག་གིས།། ཏིང་འཛིན་སྔགས་ཀྱི་སྐུར་གསལ་བ།། རླུང་སེམས་འདྲེས་པའི་སྐྱེས་བུ་ཡིས།། མ་ཡེངས་རྒྱུན་དུ་གནས་པར
iiif viewer powered by OpenSeadragon