| e-texts navigator |
| Wylie |
118b1 དག་པའོ།། རྟོགས་ཚུལ་བརྡལ་བ་ཆེན་པོ་ཡིས།། རང་ལས་མ་གཡོས་ཡེ་ཤེས་རྟོགས།། གསུམ་པ་མ་སྐྱེས་མ་འགགས་དང་།། གཉིས་མེད་ཡུལ་བྲལ་ཡེ་ཤེས་གསལ།། གསུམ་པ་མཁའ་ཀློང་རྣམ་དག་པའི།། ཐིག་ལེ
118b2 ཆེན་པོ་ཆོས་སྐུར་བཤད།། མཁའ་ལྟར་དག་པའི་སེམས་ཉིད་ལ།། ཕྱི་ནང་གསང་བ་ཡང་གསང་དང་།། འདུ་འཕྲོ་ལ་སོགས་མི་དམིགས་པས།། ངོ་བོ་མ་སྐྱེས་སྟོང་པའི་མཁའ།། བྱང་ཆུབ་སེམས་ཀྱི་ཐིག་ལེ
118b3 ལས།། རོལ་པའི་ཕྱག་རྒྱ་ཀུན་ཤར་པས།། སྩལ་སྣང་མ་འགགས་ཡེ་ཤེས་ཀློང་།། ཡིད་བཞིན་ནོར་བུ་འོད་འབར་བཞིན།། བྱང་ཆུབ་སེམས་ཀྱི་རང་བཞིན་ནི།། མ་སྐྱེས་མ་འགག་རོ་གཅིག་པས།། དབྱེར་མེད་གཏེར
118b4 ཆེན་པོ་ཉིད་དོ།། ཇི་ལྟར་སྦྲུལ་མདུད་གྲོལ་བ་བཞིན།། སྟོང་མཐར་མི་གནས་ཅིར་ཡང་གསལ།། གསལ་བ་ཉིད་ན་མ་སྐྱེས་སྟོང་།། གསལ་སྟོང་དབྱེར་མེད་སྤྱོད་ཡུལ་བྲལ།། ཡོན་ཏན་སྐྱེས་པ་གཉིད་སད་ལྟར།། སྡུག
118b5 བསྔལ་མ་སྤངས་བདེ་ཆེན་དང་།། འཁོར་བ་མ་སྤངས་ཡེ་སངས་རྒྱས།། ཏིང་འཛིན་སྔོན་འགྲོ་བསླབ་ཐབས་དང་།། བརྟེན་པར་བྱ་དང་བོགས་དབྱུང་དང་།། ཐོབ་པའི་རྟགས་དང་གསལ་བའི་ཚད།། བཅོས་ཐབས་ཡོན།
118b6 ཏན་བརྒྱད་ཤེས་བྱ།། སྔོན་འགྲོ་བྱང་ཆུབ་སེམས་བསྐྱེད་དོ།། སྟོན་པ་ཆུ་བོ་བཞི་ལྡན་པས།། རྒྱུད་བཀྲོལ་བ་དང་དབང་ཐོབ་ནས།། བར་ཆད་མེད་པའི་གནས་མཆོག་ཏུ།། ཆ་རྐྱེན་རྣམ་གཉིས་འཚོགས་པ་དང་།། རྡོ་རྗེ
iiif viewer powered by OpenSeadragon