| e-texts navigator |
| Wylie |
118a1 རྫོགས་སོ།། །། @#།། རྒྱ་གར་སྐད་དུ། ཛྙཱ་ན་ཌཱ་ཀི་ནི་ཙིཏྟ་སརྦ་གྷཱ་ཡ་བིན་དུ་ན་མ། བོད་སྐད་དུ། ཡེ་ཤེས་ཀྱི་མཁའ་འགྲོ་མ་རྣམས་ཀྱི་ཐུགས་གསང་བའི་ཐིགས་པ་ཞེས་བྱ་བ།
118a2 དཔལ་ལྡན་མཁའ་འགྲོ་སྡེ་ལྔ་ལ།། རྣམ་པར་བཏུད་དེ་ཕྱག་འཚལ་ལོ།། བདེ་བར་གཤེགས་པ་ཐམས་ཅད་ཀྱིས།། ཡེ་ཤེས་རྒྱ་མཚོ་རབ་ཟབ་ཐུགས།། བསམ་གཏན་མན་ངག་མདོར་བསྡུས་དོན།། གནས
118a3 ལུགས་ཐབས་དང་མངོན་གྱུར་པའོ།། གནས་ལུགས་བྱང་ཆུབ་སྙིང་པོ་སྟེ།། རྒྱུ་རྐྱེན་བྲལ་བའི་བྱང་ཆུབ་སེམས།། སྣང་མེད་སྟོང་མཐར་མི་གནས་པའོ།། ཐིག་ལེ་ཆེན་པོ་ཡི་སངས་རྒྱས།། ཐབས་ནི་ལམ་ཡིན་རྣམ
118a4 གསུམ་སྟེ།། ཐག་ཆོད་ཉམས་མེད་སྤྱོད་རིགས་ཀྱིས།། དམིགས་མེད་ཀུན་འབྱུང་དེ་བཞིན་ཉིད།། ཤེས་ཐོབ་བྱེད་པས་ཐབས་ལམ་བྱའོ།། ལྟ་བའི་ངོ་བོ་མཚན་ཉིད་དང་།། ལྟ་བཞི་རྣམ་གྲངས་རྟོགས་ཚུལ་དང་།། ཡོན
118a5 ཏན་རྣམ་པ་དྲུག་ཤེས་བྱ།། ངོ་བོ་ཅིར་ཡང་མི་དམིགས་པའི།། མཐར་འཛིན་རྟོག་པ་ཀུན་གྲོལ་བའོ།། མཚན་ཉིད་ཆོས་རྣམས་ཐམས་ཅད་ཀྱིས།། སྤྱི་དང་རང་གི་མཚན་ཉིད་རྣམས།། མ་འདྲེས་ཡོངས་རྫོགས་རྟོགས་པ
118a6 དང་།། མ་འདྲེས་ཡོངས་རྫོགས་དབྱེར་མེད་དོ།། ལྷ་གཞི་སྙིང་པོ་བྱང་ཆུབ་དང་།། དེ་ལས་བྱུང་བའི་ཆོས་རྣམས་ཏེ།། རྣམ་གྲངས་བརྡལ་བ་ཆེན་པོ་དང་།། གསང་དབང་ཆེན་པོའི་ལྟ་བ་དང་།། མཁའ་ཀློང་རྣམ་པར
iiif viewer powered by OpenSeadragon