| e-texts navigator |
| Wylie |
117b1 བདེ།། བདེ་ཆེན་རྒྱུན་མི་འཆད་པ་ཡིན།། ཡེ་ཤེས་གསལ་བའི་ཉི་མ་ཤར།། མ་རིག་མུན་པ་རང་སར་དག། རང་སེམས་ཆོས་སྐུ་གཏན་ལ་ཕེབས།། དུག་ལྔ་དུག་གསུམ་རྩ་བ་རུལ།། སངས་རྒྱས་ཞིང་དུ་ད་ལྟར
117b2 བསླབ།། ཁམས་གསུམ་འཁོར་བའི་གཡང་ས་ཆོད།། སྐྱེ་མེད་དབྱིངས་སུ་བརྩ་ནས་ཟིན།། མངལ་ཁ་བརྒྱ་ཡིས་ཐེབས་པ་ཡིན།། སྙིང་པོ་གསང་བའི་རྒྱུད་ལས། ཕྱི་ནང་གསང་བ་བསྟན་པའི་ལེའུ་སྟེ་བཅོ་ལྔ
117b3 པའོ།། །། དེ་ནས་མཁའ་འགྲོ་ཆེན་མོ་ཡིས།། མཁའ་འགྲོ་རྣམས་ལ་རྒུད་གཏད་པ།། རྒྱུད་ཀྱི་རྒྱལ་པོ་ལུང་གི་འགྲེལ།། མན་ངག་ཀུན་གྱི་རྩ་བ་ཡིན།། ཐེག་པ་ཡང་རབ་བླ་ན་མེད།། དངོས་གྲུབ་ཐམས་ཅད
117b4 འབྱུང་བའི་གནས།། མཁའ་འགྲོ་རྣམས་ཀྱིས་འདི་ཟུང་ཞིག། ཟུང་ལ་ལེགས་པར་བཅང་བར་བྱ།། ང་ཡི་བཀའ་ལས་འདའ་མ་བྱེད།། དེ་སྐད་ཅེས་གསུངས་གཏད་རྒྱ་མཛད།། འཁོར་རྣམས་ལེགས་པའི་དོན་མཐོང
117b5 ནས།། མཁའ་འགྲོ་ལ་ལགས་བཏུད་དེ།། ཨེ་མ་ཧོ་སྟེ་ལེགས་པར་གསུངས།། ལེགས་སོ་ལེགས་སོ་ལེགས་པར་གསུངས།། དོན་གྱི་སྙིང་པོ་རྒྱུད་ཀྱི་བཅུད།། ལེགས་པར་གསུངས་པ་ཡི་རང་ངོ་།། མི་འགྱུར་རྩལ
117b6 ལ་སོགས་པ་དགེས།། སྙིང་པོ་གསང་བའི་རྒྱུད་ལས། ཡོངས་སུ་གཏད་པ་དང་། གཏང་རག་གི་ལེའུ་སྟེ་བཅུ་དྲུག་པའོ།། །། རྡོ་རྗེ་སྟོང་གསལ་གསང་བའི་རྒྱུད་ཅེས་བྱ་བ། མཁའ་འགྲོ་མས་གསུངས་པ
iiif viewer powered by OpenSeadragon