| e-texts navigator |
| Wylie |
117a1 བན་དྷའི་དབང་བཞི་བསྐུར་བར་བྱ།། གསང་བའི་མཆོད་པ་ཕུལ་ནས་ནི།། གསང་བའི་དབང་བཞི་བསྐུར་བར་བྱ།། དོན་གྱི་མཆོད་པ་ཕུལ་ནས་ནི།། དོན་གྱི་དབང་བཞི་བསྐུར་བར་བྱ།། ཤི་བའི་རོ་ལ
117a2 དབང་བསྐུར་བྱ།། གནོད་པའི་ལྷ་འདྲེ་དག་ལ་ཡང་།། སྙིང་རྗེ་ཡིད་ཀྱིས་དབང་བསྐུར་བྱ།། ཧ་ཧ་ཧེ་ཧེ་ཚར་བཅད་བཏང་།། ལྟེ་བ་ཨ་ཨ་སྒྲ་རུ་བཏང་།། གླུ་རུ་ཧཱུཾ་ང་ཧཱུཾ་ང་བླང་།། ཧཱུཾ་རིང་ཧཱུཾ་ཟུང་འགོག་པ་དང་།། ཤིབ་བུ
117a3 རྡོ་རྗེ་ཏིང་འཛིན་བཟླས།། སྙིང་པོ་གསང་བའི་རྒྱུད་ལས། ཚོགས་མཆོད་དབང་བསྐུར་བའི་ལེའུ་སྟེ་བཅུ་བཞི་པའོ།། །། ཀྱེ་མ་མཁའ་འགྲོ་གསང་བའི་བདག། ཕྱི་ནང་གསང་བ་བསྟན་དུ་གསོལ།། མཁའ་འགྲོ་མ
117a4 ཡིས་བཀའ་སྩལ་པ།། ཕྱི་སྟོང་ནང་སྟོང་གསང་བ་སྟོང་།། སྟོང་པའི་དབྱིངས་ལས་ཡངས་དོག་མེད།། ཡངས་དོག་མེད་པ་བྷ་གའི་ཀློང་།། སྟོང་གསལ་བདེ་ཆེན་སངས་རྒྱས་ཡིན།། ཕྱི་གསལ་ནང་གསས་གསང་བར
117a5 གསལ།། གསལ་བ་རང་བྱུང་འགག་པ་མེད།། འགག་པ་མེད་པ་ངེས་མེད་ཤུགས།། སྟོང་གསལ་བདེ་ཆེན་སངས་རྒྱས་ཡིན།། ཕྱི་ཤེས་ནང་ཤེས་གསང་བ་ཤེས།། ཡེ་ཤེས་མ་བཅོས་བཙལ་བ་མེད།། བཙལ་བ་མེད་པ
117a6 འགྱུར་མེད་དང་།། སྟོང་པ་ཡེ་ཤེས་སངས་རྒྱས་ཡིན།། ཕྱི་རིག་ནང་རིག་གསང་བ་རིག། རིག་པ་རྗེན་པ་དྲི་མ་མེད།། དྲི་མ་མེད་པ་ཟངས་ཐལ་ཆེ།། སྟོང་རིག་བདེ་ཆེན་སངས་རྒྱས་ཡིན།། ཕྱི་བདེ་ནང་བདེ་ཟག་མེད
iiif viewer powered by OpenSeadragon