| e-texts navigator |
| Wylie |
116b1 དུ་མཆོད།། སྙིང་པོ་ཧཱུཾ་དུ་དི་རི་རི།། རླུང་སེམས་ཧཱུཾ་དུ་ཧྲི་ལི་ལི།། འོད་གསལ་སྟོང་པ་ལམ་དུ་སློང་།། སྙིང་པོ་གསང་བའི་རྒྱུད་ལས། ཕྱི་ནང་དུ་བསྡུ་བའི་ལེའུ་སྟེ་བཅུ་གསུམ་པའོ།། །། ཀྱེ་མ་མཁའ་འགྲོ་གསང
116b2 བའི་བདག། ཚོགས་མཆོད་དབང་བསྐུར་བསྟན་དུ་གསོལ།། མཁའ་འགྲོ་མ་ཡིས་བཀའ་སྩལ་པ།། མཚོན་པ་ཙམ་དུ་དམ་བྲིས་ལ།། བུམ་པ་རྫས་དང་ལྡན་པ་དང་།། མཆོད་རྫས་རྣམས་ནི་ལེགས་པར
116b3 བཤམས།། མཆོད་རྫས་བྱིན་གྱིས་བརླབས་ནས་ནི།། བླ་མ་ཡི་དམ་མཁའ་འགྲོ་དང་།། ཕྱི་ནང་བདེ་བར་གཤེགས་པ་རྣམས།། སྤྱན་དྲངས་བཞེངས་བསྐུལ་བཞུགས་གསོལ་ནས།། ཡན་ལག་བདུན་གྱི་མཆོད་པ
116b4 འབུལ།། བུམ་པ་བྱིན་གྱིས་བརླབས་ནས་ནི།། བུམ་པ་བླ་མས་བླངས་པ་དེ།། སྤྱི་གཙུག་ལ་སོགས་སྒོ་བཞིར་བཞག། ཨ་བྷི་ཥཉྩའི་སྔགས་བརྗོད་ལ།། དབང་བཞི་ལེགས་པར་བསྐུར་བ་དང་།། ཚོགས་ཀྱི་ཡོ་བྱད
116b5 བཏེགས་ནས་ནི།། ཐོད་པ་མཚན་ལྡན་དཔའ་དང་བཅས།། འདོད་ཡོན་ལྷ་མོར་བྱིན་བརླབས་ཏེ།། ཚོགས་འཁོར་བསྐོར་ལ་དབང་བསྐུར་ཞུ།། འདོད་པའི་དོན་འགྲུབ་གསོལ་བ་གདབ།། བླ་མས་ཐོད་པ་བླངས་ནས
116b6 ནི།། རིགས་ལྔ་ཡབ་ཡུམ་སྙིང་པོ་བརྗོད།། ཧཱུཾ་ནི་རྒྱུན་ཆད་མེད་པའི་བར།། བཛྲ་སིད་དྷི་སིད་དྷི་ཧཱུཾ། བྷུད་དྷ་སིད་དྷི་སིད་དྷི་ཧཱུཾ། རཏྣ་སིད་དྷི་སིད་དྷི་ཧཱུཾ། པདྨ་སིད་དྷི་སིད་དྷི་ཧཱུཾ། ཀརྨ་སིད་དྷི་སིད་དྷི་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ།
iiif viewer powered by OpenSeadragon