| e-texts navigator |
| Wylie |
115b1 འགག་པ་མེད།། ཉམས་ཉིད་འོད་གསལ་ཞེན་པ་མེད།། འབྲས་བུ་འོད་གསལ་འབྲལ་བ་མེད།། ཞིང་ཁམས་འོད་གསལ་རྣམ་པར་དག། དེ་ལྟར་རྟོགས་པའི་བར་དོ་རུ།། རིག་པ་རང་བྱུང་གཅེར་བུ་དེ།། གླིང་པ་ཡུ་བ
115b2 མེད་པ་ལ།། རྗེན་པ་རང་སར་འཆར་བ་ཡིན།། ཟག་མེད་བདེ་བ་ཁོ་ན་ཉིད།། ཡེ་ཤེས་བདེ་རླུང་ཁོ་ན་ཉིད།། ཤེས་པ་རང་སྣང་ཁོ་ན་ཉིད།། རིག་པ་རང་བྱུང་ཁོ་ན་ཉིད།། སེམས་ཉིད་རང་གྲོལ་ཁོ་ན་ཉིད།། དྲན་པ་རང
115b3 སྟོང་ཁོ་ན་ཉིད།། ནང་གི་འགྱུར་བ་དྲངས་སངས་གྲོལ།། ཕྱི་ཡི་དངོས་པོ་བདེན་མེད་གྲོལ།། ལུས་ནི་ལོངས་སྐུའི་མཁའ་འགྲོར་གྲོལ།། ངག་ནི་སྦྲུལ་སྐུའི་མཁའ་འགྲོར་གྲོལ།། སེམས་ནི་ཆོས་སྐུའི་མཁའ་འགྲོར
115b4 གྲོལ།། སྙིང་པོ་གསང་བའི་རྒྱུད་ལས། འཆར་ལུགས་བསྟན་པའི་ལེའུ་སྟེ་བཅུ་གཉིས་པའོ།། །། ཀྱེ་མ་མཁའ་འགྲོ་གསང་བའི་བདག། ཕྱི་ནང་བསྡུ་བ་བསྟན་དུ་གསོལ།། མཁའ་འགྲོ་མ་ཡིས་བཀའ་སྩལ
115b5 པ།། རང་ལུས་རྒྱལ་བའི་དཀྱིལ་འཁོར་ལ།། གཞལ་ཡས་ཁང་དུ་བསྟན་པ་ཡིན།། དཀྱིལ་འཁོར་ལྷ་རྣམས་རང་ལ་འདུག། ཤ་དང་རུས་པ་སའི་དཀྱིལ་འཁོར།། ཁྲག་དང་ཆུ་སེར་ཆུའི་དཀྱིལ་འཁོར།། དྲོད་ཀྱི་རང
115b6 བཞིན་མེའི་དཀྱིལ་འཁོར།། དབུགས་ཀྱི་སྡང་འཇུག་རླུང་གི་དཀྱིལ་འཁོར།། ནང་གི་དོན་སྙིང་ལྔ་པོ་ནི།། ལྷ་ཡི་ཕོ་བྲང་དམ་པ་ཡིན།། མིག་དང་རྣ་བ་སྣ་དང་ལྕེ།། སྒོ་བཞི་དག་གི་བཀོད་པ་ཡིན།། ཁ་དོག་ལྔ་རུ་གསལ
iiif viewer powered by OpenSeadragon