| e-texts navigator |
| Wylie |
115a1 པོ་གསང་བའི་རྒྱུད་ལས། འཆི་བ་བསླ་བའི་ལེའུ་སྟེ་བཅུ་པའོ།། །། ཀྱེ་མ་མཁའ་འགྲོ་གསང་བའི་བདག། རྣལ་འབྱོར་ཉམས་སྣང་བསྟན་དུ་གསོལ།། མཁའ་འགྲོ་མ་ཡིས་བཀའ་སྩལ་པ།། རིག་པ
115a2 རང་བྱུང་གཏན་ལ་ཕེབས།། རིག་པ་ཡེ་ཤེས་རང་ལ་ཤར།། དོན་མཐོང་ཡིད་ཆེས་བདེ་བར་འབར།། རླུང་སེམས་ལས་སུ་རུང་བ་ཡིས།། ཡིད་དམ་ལྷ་ཡིས་ལུང་བསྟན་འབྱུང་།། མཁའ་འགྲོ་རྣམས་ཀྱིས་བྱིན་གྱིས
115a3 རློབ།། གནོད་སྦྱིན་ཕོ་མོ་ཞི་བར་བྱེད།། ན་ཚ་སྡུག་བསྔལ་སྲན་ཡང་ཚུགས།། ཐུན་མོང་མཆོག་གི་དངོས་གྲུབ་ཐོབ།། ཆ་མཐུན་མངོན་པར་ཤེས་པ་འཆར།། རིག་པ་རང་གྲོལ་ཆོས་སྐུ་ཐོབ།། འཁོར་དང
115a4 ལོངས་སྤྱོད་ཐམས་ཅད་འདུ།། ལུས་བདེ་སེམས་བདེ་བདེ་བར་ལྡན།། ངག་ལ་ནུབ་པ་སྣ་ཚོགས་འབྱུང་།། ཚེ་རིང་ནད་མེད་གནོད་པ་བྲལ།། ལྷ་སྒོམ་སྤྱོད་འབྲས་ཤུགས་ལས་འབྱུང་།། སྙིང་པོ་གསང་བའི་རྒྱུད་ལས།།
115a5 ན་ཡོན་བསྟན་པའི་ལེའུ་སྟེ་བཅུ་གཅིག་པའོ།། ། ཀྱེ་མ་མཁའ་འགྲོ་གསང་བའི་བདག། འདི་ཕྱིའི་འཆར་ལུགས་བསྟན་དུ་གསོལ།། མཁའ་འགྲོ་མ་ཡིས་བཀའ་སྩལ་པ།། གདེང་དང་ལྡན་པའི་རྣམ་འབྱོར
115a6 ལ།། འདི་དང་བར་དོ་ཕྱི་མ་ལ།། རིག་པའི་འཆར་ལུགས་འདི་ལྟར་མཆིས།། དུས་འདིར་འོད་གསལ་རྟོགས་པ་ཡིན།། ལྟ་བ་འོད་གསལ་སྟོང་པར་རྟོགས།། སྒོམ་པ་འོད་གསལ་ཡེངས་པ་མེད།། སྤྱོད་པ་འོད་གསལ
iiif viewer powered by OpenSeadragon