| e-texts navigator |
| Wylie |
114b1 འགྲོ་མ་ཡིས་བཀའ་སྩལ་པ།། དུས་བཟང་ཡར་ངོའི་ཟླ་གྲིབ་ལ།། གཟུགས་བརྙན་བརྟགས་ན་འདི་ལྟར་འཆི།། རོ་གཏུགས་འདྲ་ན་ཟ་ལྟར་འཆི།། མགོ་བོ་མེད་ན་ཟླ་གསུམ་འཆི།། ཡན་ལག་མ་ཚངས་ཟླ་དྲུག
114b2 འཆི།། དེ་ནི་ནམ་མཁའི་བརྟག་པ་ཡིན།། ལུས་ཀྱི་གནས་གཞན་བརྟག་པ་ནི།། གནས་ས་སྦྲེལ་ཟག་ཆད་དམ་ལྟ།། གློག་ལྕམ་དམར་མོ་སྲིང་ངམ་བརྟག། ཆུ་རྟ་ལམ་ན་རྒྱུག་གམ་བརྟག། རི་རབ་སྲིན་ཆེན་ཡལ་ལམ
114b3 བརྟག། གངས་དཀར་འོད་དང་བྲལ་ལམ་བརྟག། མཁའ་འགྲོ་སྒྲ་སྐད་ཆག་གམ་བརྟག། སྙིང་པོ་གསང་བའི་རྒྱུད་ལས། འཆི་རྟགས་བསྟན་པའི་ལེའུ་སྟེ་དགུ་པའོ།། །། ཀྱེ་མ་མཁའ་འགྲོ་གསང་བའི
114b4 བདག། གནས་སྐབས་འཆི་སླུ་བསྟན་དུ་གསོལ།། མཁའ་འགྲོ་མ་ཡིས་བཀའ་སྩལ་བ།། མི་རྟ་ཁྱི་ཡི་རུས་པ་ལ།། ཐུམ་པོ་བྱས་ཏེ་དོང་དུ་སྦ།། གཏོར་མ་བཏང་ཞིང་དགེ་ལས་བྱ།། དེས་ཀྱང་བཟློག་པར་མ་གྱུར
114b5 ན།། ཆོས་འཁོར་ཚོགས་འཁོར་ཆེན་པོ་བྱ།། དེས་ཀྱང་བཟློག་པར་མ་གྱུར་ན།། འཁོར་གསུམ་ཡོངས་དག་སྤོངས་དག་བྱ།། དེས་ཀྱང་བཟློག་པར་མ་གྱུར་ན།། བླ་མེད་མཆོད་པ་ཆེན་པོ་བྱ།། ཆོས་ཉིད་དོན་གྱི་ངང་ལ
114b6 བཞག། དུས་མིན་འཆི་བ་བྱུང་སྲིད་ན།། བདུད་ཀྱི་བར་ཆད་སྲོག་འཕྲོག་ཡིན།། ནང་དུ་རིག་པ་བཙོན་དུ་གཟུང་།། ཕྱི་རུ་སྣང་པ་རང་སར་བཞག། མ་བཅོས་ཆོས་ཉིད་ངང་ལ་འཕོ།། དོན་གྱི་འཆི་བ་མེད་པ་ཡིན།། སྙིང
iiif viewer powered by OpenSeadragon