| e-texts navigator |
| Wylie |
113a1 བདག། བདེ་གཤེགས་གནས་ས་བསྟན་ཏུ་གསོལ།། མཁའ་འགྲོ་མ་ཡིས་བཀའ་སྩལ་པ།། སྐུ་ཡི་ལྷ་ཚོགས་སྤྱི་བོར་གནས།། གསུང་གི་ལྷ་ཚོགས་མགྲིན་པར་གནས།། ཐུགས་ཀྱི་ལྷ་ཚོགས་སྙིང་ཁར
113a2 གནས།། སྤྲུལ་པའི་ལྷ་ཚོགས་ལྟེ་བར་གནས།། རིགས་ལྔའི་ལྷ་ཚོགས་ཁ་དོག་ནི།། དཀར་པོ་དམར་པོ་སེར་པོ་ལྗང་།། ལྷ་དང་ལྡན་པའི་མཁའ་འགྲོ་ནི།། རིན་ཆེན་རིགས་དང་པདྨའི་རིགས།། རྡོ་རྗེ་རིགས་དང་ལས
113a3 ཀྱི་རིགས།། མཁའ་འགྲོ་མ་རིགས་དམར་སྨུག་ཡིན།། ཡེ་ཤེས་རིམ་པོའི་བསྐྱེད་ལུགས་ནི།། ཆོས་ཀྱི་དབྱིངས་ཀྱི་ཡེ་ཤེས་དང་།། མེ་ལོང་ལྟ་བུའི་ཡེ་ཤེས་དང་།། མཉམ་པ་ཉིད་ཀྱི་ཡེ་ཤེས་དང་།། སོ་སོར་རྟོགས་པའི
113a4 ཡེ་ཤེས་དང་།། བྱ་བ་གྲུབ་པའི་ཡེ་ཤེས་སོ།། ལྷ་དང་མཁའ་འགྲོའི་ཡེ་ཤེས་དེ།། རླུང་སེམས་ཧཱུཾ་དུ་དྲིལ་ལ་བཏང་།། བདེ་ཆེན་ཟུང་འཇུག་གནད་དུ་བཏང་།། སྙིང་པོ་གསང་བའི་རྒྱུད་ལས། བདེ་བར་གཤེགས་པའི
113a5 གནས་བསྟན་པའི་ལེའུ་སྟེ་དྲུག་པའོ།། །། ཀྱེ་མ་མཁའ་འགྲོ་གསང་བའི་གནས།། རླུང་བཅུའི་གནས་ས་བསྟན་དུ་གསོལ།། མཁའ་འགྲོ་མ་ཡིས་བཀའ་སྩལ་པ།། རིག་པ་འཛིན་པ་ས་ཡི་རླུང་།། རིག་པ་སྡུད་པ་ཆུ
113a6 ཡི་རླུང་།། རིག་པ་སྨིན་པ་མེ་ཡི་རླུང་།། རིག་པ་གཡོ་བ་རླུང་གི་རླུང་།། རིག་པ་ཁྱབ་པ་ནམ་མཁའི་རླུང་།། སྐྱེས་པར་བྱེད་པ་ཕ་ཡི་རླུང་།། བསྡུད་པར་བྱེད་པ་མ་ཡི་རླུང་།། སྨིན་པར་བྱེད་པ་བུ་ཡི་རླུང་།། གསལ་བར
iiif viewer powered by OpenSeadragon