| e-texts navigator |
| Wylie |
112b1 ཧཱུཾ་དུ་དྲང་བར་བྱ།། དགོངས་པ་ཆོས་ཉིད་ཀློང་དུ་བཞག། སྙིང་པོ་གསང་བའི་རྒྱུད་ལས། ལྷ་གནས་བསྟན་པའི་ལེའུ་སྟེ་བཞི་པའོ།། །། ཀྱེ་མ་མཁའ་འགྲོ་གསང་བའི་བདག། ཉོན་མོངས་གནས་ས་བསྟན་དུ
112b2 གསོལ།། མཁའ་འགྲོ་མ་ཡིས་བཀའ་སྩལ་བ།། སྤྱི་བོ་གཏི་མུག་གནས་ས་ཡིན།། མགྲིན་པར་འདོད་ཆགས་གནས་ས་ཡིན།། སྙིང་ཁ་ཞེ་སྡང་གནས་ས་ཡིན།། ལྟེ་བ་ང་རྒྱལ་གནས་ས་ཡིན།། གསང་བ་ཕྲག་དོག
112b3 གནས་ས་ཡིན།། དེ་ན་གདོན་གང་གནས་པ་ནི།། བདུད་དང་མ་མོ་སྤྱི་བོར་གནས།། བཙན་དང་དམུག་མོ་མགྲིན་པར་གནས།། ལྷ་དང་རྒྱལ་པོ་སྙིང་ཁར་གནས།། དམུ་དང་བསེ་མོ་ལྟེ་བར་གནས།། ཀླུ་དང་ས་བདག
112b4 གསང་གནས་གནས།། གདོན་གྱི་རྐྱེན་ལས་ནད་བྱུང་བ།། འདུས་པ་མགོ་ནས་འཇུག་པ་ཡིན།། ཁྲག་ནད་མགྲིན་པ་དག་ནས་བསྐྱེད།། ཚད་མཁྲིས་སྙིང་ཁར་གནས་པ་ཡིན།། བད་ཀན་ཕོ་མཚེར་དག་ན་གནས།། རླུང
112b5 གི་གསང་བའི་གནས་ནས་འཕེལ།། ལས་ཀྱི་འཚམས་སྦྱར་སྐྱེ་གནས་ནི།། གཏི་མུག་ལས་ཀྱིས་བྱོལ་སོང་དུ།། འདོད་ཆགས་ལས་ཀྱིས་མི་ཡི་གནས།། ཞེ་སྡང་ལས་ཀྱིས་དམྱལ་བ་རུ།། སེར་སྣའི་ལས་ཀྱིས་ཡི་དགས
112b6 གནས།། ང་རྒྱལ་ལས་ཀྱིས་ལྷ་གནས་སྐྱེས།། ཕྲག་དོག་ལས་ཀྱི་ལྷ་མིན་གནས།། སྙིང་པོ་གསང་བའི་རྒྱུད་ལས། ཉོན་མོངས་འཁྲུག་པ་བསྟན་པའི་ལེའུ་སྟེ་ལྔ་པའོ།། །། ཀྱེ་མ་མཁའ་འགྲོ་གསང་བའི
iiif viewer powered by OpenSeadragon