| e-texts navigator |
| Wylie |
111a1 རྒྱ་གར་སྐད་དུ། བཛྲ་མི་ཕྱེད་རྩ་གྷ་གུ་ཧྱ་ཏན་ཏྲ་ན་མ། བོད་སྐད་དུ། རྡོ་རྗེ་སྟོང་གསལ་སྙིང་པོ་གསང་བའི་རྒྱུད་ཅེས་བྱ་བ། དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ།། འདི་སྐད་བདག་གིས་ཐོས
111a2 པའི་དུས་གཅིག་ན། ཡེ་ཤེས་ཀློང་ཡངས་འཁྱིལ་པའི་གནས།། མ་བསྒྲིབས་གསལ་བའི་གཞལ་ཡས་ནས།། རྡོ་རྗེ་སྟོང་གསལ་མ་ཞེས་ཏེ།། འདུས་པའི་འཁོར་ལ་སྙིང་པོའི་དོན།། ཆོས་ཉིད་གསུང་གི་བརྡ
111a3 མཛད་དོ།། སྙིང་པོ་གསང་བའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། འཁོར་རྣམས་རང་གི་གནས་བཞེངས་པ།། རྡོ་རྗེ་རིན་ཆེན་པདྨ་ལས།། དེ་བཞིན་ཡེ་ཤེས་ཆོས་ཉིད་དང་།། སྤྲུལ་པའི་མཁའ་འགྲོ་རོང
111a4 བཞེངས་ནས།། མཁའ་འགྲོ་མི་འགྱུར་མས་ཞུས་པ།། ཀྱེ་མཁའ་འགྲོ་ཆེན་མོ་ཡིས།། དོན་གྱི་རང་བཞིན་བསྟན་དུ་གསོལ།། སྤྱི་བཏུད་ཐལ་སྦྱར་ཞུས་པ་ལས།། སྟོང་གསལ་མ་ཡིས་བཀའ་སྩལ་བ།། གསང་བ་དོན་གྱི
111a5 གསུང་བསྒྲགས་པས།། ལ་ལ་མཉམ་པའི་ངང་ལ་བཞུགས།། ལ་ལ་ངེས་པའི་དོན་ཀྱང་མཐོང་།། ལ་ལ་བདེ་བ་ཆེན་པོར་འབར།། ལ་ལ་ཡེ་ཤེས་ནང་ནས་ཤར།། ལ་ལ་ཆོས་ཉིད་དོན་ལ་སྤྱོད།། ལ་ལ་འཁྲབ་ཅིང་ལ
111a6 ལ་སྤྲུག། ལ་ལ་བརྒྱལ་ཞིང་ལ་ལ་སྐྲག། སྙིང་པོ་གསང་བའི་རྒྱུད་ལས། གླེང་བསླང་བའི་ལེའུ་སྟེ་གཉིས་པའོ།། །། ཀྱེ་མ་མཁའ་འགྲོ་གསང་བའི་བདག། དོན་གྱི་རང་བཞིན་བསྟན་དུ་གསོལ།། སྟོང་གསལ་མ
iiif viewer powered by OpenSeadragon