| e-texts navigator |
| Wylie |
110a1 བཤལ་འབྱུང་བ་དང་།། རང་ལུས་རང་གིས་བགོས་པ་དང་།། དོན་སྙིང་ནང་ཁྲོལ་རང་གིས་མཐོང་།། གཅེར་བུ་བྱས་ནས་མཆོད་རྒྱུག་དང་།། ལས་དང་སྒྲིབ་པ་ཟད་པའི་བརྡ།། བཟང་རྟགས་ངན་པར
110a2 སྟོན་པའི་བརྡ།། གསེར་དང་ཟས་ནི་རྙེད་པ་དང་།། ལྷ་ཁང་ནང་དུ་ཕྱག་བཙལ་དང་།། མཆོད་རྟེན་ནང་དུ་འདུག་པ་དང་།། གསུང་རབ་མང་པོ་འདོན་པ་དང་།། རྟ་རྒོད་ཞོན་དུ་མ་བཏུན་དང་།། རྟ་པ་མང་པོ་ཁྲོས་པ
110a3 དང་།། བཙུན་པ་བཙང་པོ་དགེ་ཤེས་དང་།། མྱ་ངན་ཁ་མཆུ་ཕྱི་ཐལ་རྣམས།། རྒྱལ་པོའི་བར་ཆད་འོང་བའི་བརྡ།། ཕྱི་རྟགས་འཆོལ་བར་སྟོན་པའི་བརྡ།། སྔོན་ལ་ཕོ་ཡི་ཆོ་འཕྲུལ་འོང་།། གྲུབ་རྟགས་ཉེ་སྟེ་འཁུ་ལྡོག
110a4 ཆེ།། སྐྱེ་བོའི་ཚོགས་ཀྱིས་ཕྱག་འཚལ་དང་།། བུད་མེད་མང་པོ་འདུད་པ་དང་།། རི་བོའི་རྩེ་ལ་འདུག་པ་དང་།། ཆུ་བོ་ཆེ་ལས་བརྒལ་བ་དང་།། གྲུ་དང་གཟིངས་ལ་འགྲོ་བ་དང་།། མེ་ཆེན་འབར་དང་རླུང་ཆེན
110a5 འཚུབས།། དམག་དང་ལྟད་མོ་བྱེད་པ་དང་།། རྒྱ་གར་སྐད་རིས་མིག་ཅིག་པ།། ཆོས་འཆད་སྐྱོ་བའི་ཚུལ་སྟོན་དང་།། ཟང་ཟིང་འདུ་ལོང་མང་པོ་ནི།། མཁའ་འགྲོ་ཕོ་མོ་འཆོལ་པ་རྣམས།། བདག་ལ་འགོ་ཞིང་འགྲུབ
110a6 པའི་བརྡའོ།། བརྡ་རྟགས་གསུམ་གྱི་ལེའུ་སྟེ་སོ་བཞི་པའོ།། །། ཉམས་དང་མངོན་སུམ་པར་རྟགས་ནི།། ཆོས་བྱེད་སྙིང་འདོད་པ་དང་།། སྔར་བས་ལུས་ཡངས་བདེ་བ་དང་།། བྱིན་དང་བྱིན་བརླབས་ཐིབས་ཤིང
iiif viewer powered by OpenSeadragon