| e-texts navigator |
| Wylie |
357b1 བུ་ཆེ་བ་མན་ཆད་བསྡུས།། སྲིན་བུ་ལང་ཀ་མགྲིན་བཅུ་བསྡུས།། ནད་དང་མཚོན་དང་སྲོག་འཇོམས་བྱེད།། ལས་ཀྱི་བདག་པོ་སྨིན་པ་ཞེས་བྱ་བའི་ཏིང་ངེ་འཛིན་ཏོ།། དུས་གསུམ་བདེ་གཤེགས་རིགས་ལྔ་ཡིས།། ཤེས
357b2 བྱ་ཇི་ལྟ་ཇི་སྙེད་པ།། མཁྱེན་པ་ཅན་གྱི་ཐུགས་རྗེ་ཡིས།། འདུལ་བར་བཀའ་གྲོས་ཡོངས་བྱས་ནས།། ཀུན་གྱིས་ལས་ཀྱི་གཉེར་གཏད་ནས།། འདུལ་བའི་བདག་པོར་བྱིན་བརླབས་པ།། ཧེ་རུ་ཀ་ལ་ལུང་བསྟན
357b3 ཅིང་།། ལས་ཀྱི་གཉེར་དུ་འདི་སྐད་བརྗོད།། སྔོན་ཚེ་འདས་པའི་དང་པོ་ལ།། སངས་རྒྱས་སྲིད་པའི་སྒྲོན་མར་བྱུང་།། སློབ་དཔོན་རྒྱལ་བའི་འཁོར་ལོ་ཡིས།། སློབ་མ་དགེ་སློང་ནག་པོ་ལ།། གསང་སྔགས་མཐའ་དྲུག
357b4 བསྟན་པ་ལ།། དོན་དེ་སྟེང་དུ་མ་གྱུར་ཅིང་།། ལོག་པའི་སྟེང་དུ་བཤད་པ་ཡིས།། དམྱལ་བ་ཡི་དྭགས་ཁ་འཁོར་ཏེ།། ཐ་མར་ལས་ཀྱི་སྲིན་པོར་སྐྱེས། ཁམས་གསུམ་འཁྲུལ་པའི་བདུད་དུ་གྱུར།། སྣོད་བཅུད་ཆད་པའི
357b5 རུ་ཏྲ་འདི།། བདེ་གཤེགས་བཀའ་ཡི་འཕྲིན་ལས་མཛོད།། དེ་སྐད་དབང་བསྐུར་བྱིན་བརླབས་ཀྱིས།། དཔལ་ཆེན་རྡོ་རྗེ་ཁྲག་འཐུང་གིས།། དབྱིངས་ནས་ཡུམ་ཕྱུང་སྦྱོར་བ་མཛད།། སེམས་སྤྲིན་ཁྲོ་ཚོགས་འཆོལ་པ
357b6 སྤྲོས།། ལྷ་དམག་དྲེགས་ཆེན་གདན་དུ་བཏིང་།། དབང་ཕྱུག་མ་ཚོགས་ལོངས་སྤྱོད་མཛད།། མིང་གིས་དབང་བསྐུར་གསལ་བའི་མཚན།། རྫས་ཀྱི་དབང་བསྐུར་རྡོ་རྗེ་ཕོག། ཟས་ཀྱི་དབང་བསྐུར་བཀའ་ཕབ
iiif viewer powered by OpenSeadragon
