| e-texts navigator |
| Wylie |
357a1 མཐའ་དྲུག་དོན་སྤྱད་པས།། མ་རྟོགས་དབང་གིས་གཏུམ་ཁྲོ་གདུག། གབ་དོན་མ་ཤེས་སྦས་ལ་འཚལ།། སྲིད་པའི་ས་བོན་ཐུན་མོས་འཕངས།། ཚ་གྲང་བཅོ་བརྒྱད་དམྱལ་ཁམས་གསུམ།། སྟོང་ཕྲག
357a2 བཅུ་གཉིས་སྡུག་བསྔལ་མྱོང་།། དེ་དག་སྲབ་པར་གྱུར་པ་དང་།། ཡི་དགས་གནས་སུ་སྟོང་ཕྲག་དྲུག། རྣམ་སྨིན་དེ་ཟད་སྲིད་འཚམས་སྦྱར།། དབང་ཕྱུག་ཆེན་པོ་ལྷ་ཆེན་དང་།། ཨུ་མའི་བུར་སྐྱེས་རུ་ཏྲར་སྨིན།། གཏུམ
357a3 ཁྲོ་འཇིགས་གཟུགས་ཆེ་ཡང་སྦྲུལ།། ནས་ཀྱི་ཁ་རླངས་ན་བུན་འཐུལ།། དུར་ཁྲོད་རབས་འཇིགས་སྐྱི་གཡའི་ནང་།། ཐོད་མཁར་གསར་རྙིང་རོ་གདན་ལ།། སྲིན་མོ་སྲིད་པས་སུམ་སྦྱོར་བཞུགས།། མགོ་བརྙན་འཕྲ
357a4 མེན་མའི་འཁོར།། བདག་ཏུ་འཛིན་པ་ལས་གྱུར་པའོ།། རོ་ག་རྣམ་གྲུ་ཙ་མུན་ཏེ།། རེ་ཏེ་འབྱུང་བཞི་སྤྲུལ་པའི་འཁོར།། རྟ་ཕག་སེང་གེ་ཁྱི་ཡི་མགོ། རྟག་ཆད་བཞི་ལས་སྤྲུལ་པའི་འཁོར།། སེང་སྟག་ཝ་སྦྱང་མགོ་ཅན
357a5 དང་།། ཀང་ཀ་བྱ་རོག་འུག་པ་བཞད།། ཡུལ་བརྒྱད་ལས་ནི་སྤྲུལ་པའི་འཁོར།། ལ་མ་གོ་རི་ཞེས་བྱ་དང་།། ཁྭ་ཏ་རོ་ཧི་བྱ་བ་དང་།། དེ་བཞིན་རོ་བི་ནི་དང་ནི།། པྲ་བ་ཙན་དྷ་དག་དང་ནི།། ཙན་དྷ་ཁེ་ཞེས་བྱ་བ
357a6 དང་།། པྲ་བ་པྲ་ཏི་ཆེན་མོ་དང་།། མ་ཧཱ་ས་ནི་ཞེས་བྱ་བ།། བི་ར་མ་ཏི་མ་མོ་རྣམས།། རྣམ་ཤེས་བརྒྱད་ལས་སྤྲུལ་བའི་འཁོར།། འཁོར་ལ་དབང་བསྐུར་སྣོད་བཅུད་འཇོམས།། ལྷ་ཡི་དེད་དཔོན་ཀ་རུ་བཏུལ།། འབྲས
iiif viewer powered by OpenSeadragon
