| e-texts navigator |
| Wylie |
356b1 འཇུག་ན་ཟླ་བ་གསལ།། གནས་ན་གཟུང་འཛིན་སྤངས་པ་ནི།། རྒྱ་སྐྱེགས་ཏིལ་མར་ཤུ་ཤིང་སད།། དམར་གསལ་སྙིང་པོ་དྲང་ལ་འཕྲ།། སྲུབ་ཤིང་དམར་པོ་འཕྲ་སྦོམ་སྙོམས།། སྲུབ་ཟག་གཉིས་ནི་དཀར་བ
356b2 སྟེ།། དབུ་མ་བསྒྲུབས་ཅིང་སྤྱོད་ལམ་ཟས།། ལྕག་གིས་རབ་ཏུ་གསལ་བའོ།། ལྟེ་བར་དཔའ་བོ་འབའ་ཞིག་ལ།། གསང་གནས་བདེ་བའི་ཐིག་ལེ་ཉིད།། སྙིང་ཀར་ཉི་ཟླ་ཁ་ཡང་སྦྱར།། མཛོད་སྤུ་སྐྲ་དཀར་ས་བོན
356b3 ཧཾ།། རླུང་གི་མཐའ་དང་བཅས་པ་ཡིས།། ལམ་དྲོད་ལྟ་ཡིད་ཁམས་ཚོད་ཐུན།། སྦྱང་ཞིང་བྱུང་རྒྱལ་བསྲུང་བ་དང་།། འཇུག་པའི་ཕུལ་རྟགས་ཚོད་བཟུང་ཞིང་།། ཐུན་ཚད་མེད་པའི་རྣལ་འབྱོར་པ།། དེ་བཞིན་གཤེགས
356b4 པ་ཐམས་ཅད་ཀྱི་ཐུགས་ཀྱི་དཀྱིལ་འཁོར་རབ་ཏུ་གསང་བ་ཞེས་བྱ་བའི་ཏིང་ངེ་འཛིན་ཏོ།། འཇིག་རྟེན་ལས་འདས་པའི་མདོ་ལས། དེ་བཞིན་གཤེགས་པས་སེམས་ཅན་ཐམས་ཅད་ལ་བྱིན་གྱིས་བརླབས་པའི་ལེའུ་སྟེ
356b5 གཉིས་པའོ།། །། དེ་ནས་དེ་བཞིན་གཤེགས་པ་ཐམས་ཅད་གདུག་པ་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་ཁྲོ་བོས་གྱུར་པ་འདི་གསུངས་སོ།། སྔོན་གྱི་བསྐལ་པ་གངྒཱའི་རླུང་གི་བྱེ་མ་སྙེད་འདས
356b6 པའི་དུས།། སྲིད་པ་དང་པོ་བསྐལ་པ་ནི།། གདུལ་ཀའི་འཇིག་རྟེན་སྦྱང་དཀའ་བར།། སངས་རྒྱས་འཇིག་རྟེན་སྒྲོལ་མ་བྱུང་།། སློབ་དཔོན་རྒྱལ་བའི་འཁོར་ལོ་ལ།། སློབ་མ་དགེ་སློབ་ནག་པོ་ཡིས།། གསང་སྔགས
iiif viewer powered by OpenSeadragon
