| e-texts navigator |
| Wylie |
353b1 བ།། སེམས་ཀྱི་རང་བཞིན་ཡེ་ཤེས་གསལ།། དམ་པའི་ཡེ་ཤེས་ཨ་ལས་ནི།། ཡེ་ཤེས་སེམས་དཔའ་གསལ་བར་ཤར།། ཨེ་ལས་ནམ་མཁའ་མཐའ་དབུས་མེད།། ཡཾ་ལས་རླུང་གི་དཀྱིལ་འཁོར་ཏེ།། བཾ་ལས་ཆུ་ཡི
353b2 རྒྱ་མཚོ་འཁྱིམ།། སུཾ་ལས་གསེར་གྱི་ས་གཞི་ཆགས།། ལཾ་ལས་རིན་ཆེན་རི་རབ་སྟེ།། རཾ་ལས་ཡེ་ཤེས་མེ་འོད་འབར།། འབྲུ་ལྔ་འཕྲ་བཀོད་ཡུམ་ལྔའི་རྒྱུ།། མཁའ་དབྱིངས་རྣམ་དག་དཀྱིལ་འཁོར་ནི།། མ་བཅོམ་ལྷུན
353b3 གྲུབ་ཡུམ་གྱི་མཁའ།། རྒྱལ་བ་རྒྱ་མཚོའི་བཞུགས་གནས་དེ།། རིན་ཆེན་འབར་བའི་གཞལ་ཡས་ཁང་།། མཐའ་དང་དབུས་མེད་ནམ་མཁའི་རྒྱ།། ཕྱི་དང་ནང་མེད་ཀུན་ཏུ་སྣང་།། རིག་པའི་རྒྱན་དང་ཡེ་ཤེས་རྒྱན།། ཡེ
353b4 ཤེས་འབར་བའི་གཞལ་ཡས་དེར།། སེང་གེ་གླང་རྟ་རྨ་བྱ་ཁྱུ།། ཉི་ཟླ་པདྨ་རིན་པོ་ཆེ།། གཙོ་དང་འཁོར་ལ་རབ་ཏུ་གསལ།། ནམ་མཁའི་དབྱིངས་ནས་ཡེ་ཤེས་ཤར།། ངེས་པ་ལས་ནི་རྡོ་རྗེ་ཆེ།། དེ་ནས་བཅོམ་ལྡན་རྡོ
353b5 རྗེ་སེམས།། གསང་བའི་ཡུམ་དང་གཉིས་མེད་འཁྲིལ།། མི་བསྐྱོད་མཐིང་ཀ་དཀར་དམར་ཞལ།། རྡོ་རྗེ་འཁོར་ལོ་རིན་ཆེན་གཡས།། དྲིལ་བུ་པདྨ་རལ་གྲི་གཡོན།། དབྱིངས་ཕྱུག་གཡས་རྟེན་གཡོན་དྲིལ་སྔོ།། ཡེ་ཤེས
353b6 དམ་ཚིག་ཆེན་པོ་དག། པདྨོ་རིན་ཆེན་ལྡན་བྱས་ནས།། བདེ་མཆོག་སྒྱུ་མས་བརྡ་མཚོན་ན།། དབྱིངས་ཀྱི་བདེ་མཆོག་འབྱུང་བ་ནི།། རང་རིག་ཡེ་ཤེས་དེ་ལ་འོང་།། ཇི་བཞིན་མཁའ་ལ་གསལ་བ་དག། དྲི་མེད་ཉི་མའི
iiif viewer powered by OpenSeadragon
