| e-texts navigator |
| Wylie |
352b1 ཡིད་རྣལ་འབྱོར་རྫོགས།། མི་རྟོག་དབྱིངས་ལས་ཐུགས་རྗེས་ཆགས།། ཅིར་འདུལ་དེར་སྤྲུལ་ཡིད་བཞིན་སྐུ།། ཐབས་ཀྱིས་སྤྱོད་པས་ཀུན་འདུལ་ཡང་།། བརྟགས་པ་སྣང་ཙམ་བརྗོད་མེད་དབྱིངས།། བདག་གཞན་གྱི
352b2 དོན་མཐར་ཕྱིན་པར།། དམིགས་པ་ཞེས་བྱའི་ཏིང་ངེ་འཛིན་ཏོ།། གཟུགས་ཕུང་ཚུལ་ཁྲིམས་རྣམ་སྣང་མཛད།། གཏི་མུག་རང་བྱུང་བཅོམ་ལྡན་འདས།། སྟོང་པ་ཉིད་ཀྱི་ཡེ་ཤེས་སྐུ།། འཁོར་བའི་ཆོས་ལས་ཡེ་ནས
352b3 དག། རྣམ་ཤེས་མི་བསྐྱོད་ཤེས་རབ་ཕུང་།། ཞེ་སྡང་རང་བྱུང་བཅོམ་ལྡན་འདས།། མེ་ལོང་ལྟ་བུའི་ཡེ་ཤེས་སྐུ།། ཆོས་ཉིད་རང་བཞིན་ངང་གིས་གྲུབ།། ཚོར་བ་ཏིང་འཛིན་རིན་ཆེན་འབྱུང་།། ང་རྒྱལ་རང་བྱུང་བཅོམ
352b4 ལྡན་འདས།། མཉམ་པ་ཉིད་ཀྱི་ཡེ་ཤེས་སྐུ།། སྦྱིན་པའི་བདག་ཉིད་གཅིག་པུ་ཉིད།། འདུ་ཤེས་སྣང་མཐའ་ཡེ་ཤེས་ཅན།། འདོད་ཆགས་རང་བྱུང་བཅོམ་ལྡན་འདས།། སོ་སོར་ཀུན་རྟོག་ཡེ་ཤེས་ཆེ།། སངས་རྒྱས་བདེ
352b5 པབ་ཆེན་པོ་གཞི།། ཀུན་གཞི་དཔལ་ཆེན་ཧེ་རུ་ཀ། དུག་ལྔ་རང་འབྱུང་བཅོམ་ལྡན་འདས།། སྐུ་གསུམ་རྣམ་དག་ཀུན་འདུས་པ།། སྐུ་དང་གསུང་ཐུགས་རྡོ་རྗེ་ཅན།། སྒོ་ལྔའི་རྒྱུན་ལས་རྣམ་གྲོལ་བ།། སྟོང་པ་ཉིད་ལ
352b6 ཡང་དག་གནས།། འདུ་བྱེད་རྣམ་གྲོལ་དོན་ཡོད་གྲུབ།། ཕྲག་དོག་རང་བྱུང་བཅོམ་ལྡན་འདས།། བྱ་བ་གྲུབ་པའི་ཡེ་ཤེས་སྐུ།། རྣལ་འབྱོར་སྦས་པ་ཟབ་མོ་ཕྱུང་།། ཅིར་ཡང་མ་ཡིན་ཅིར་ཡང་སྣང་།། ཅིར་ཡང་འགྱུར་ལ
iiif viewer powered by OpenSeadragon
