| e-texts navigator |
| Wylie |
352a1 ཅད་ཀྱི་མདོ་ཡོངས་སུ་སྡུད་པ་ཞེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་ངོ་བོ་ཉིད་དག་པ་ཞེས་བྱ་བའི་ཏིང་ངེ་འཛིན་ལ་ཞུགས་ཏེ་འདི་གསུངས་སོ།། ཡང་དག་བསྒྲུབ་པ་གཅིག་པུ
352a2 ཉིད།། སངས་རྒྱས་བདེ་ཆེན་ཀུན་འདུས་པ།། མཁའ་འགྲོ་སྒྱུ་མ་བདེ་མཆོག་བདེ།། རྣལ་འབྱོར་ཟབ་མོའི་སྐུ་གསུམ་རྫོགས།། ཆོས་ཐམས་ཅད་ཀྱི་དེ་ཁོ་ན་ཉིད་ལ་དམིགས་པ་ཞེས་བྱ་བའི་ཏིང་ངེ་འཛིན་ཏོ།། རང
352a3 བཞིན་སྤྲོས་མེད་དག་པ་ལ།། བློ་བུར་སྤྲོས་མེད་ནམ་མཁའི་དབྱིངས།། དག་ཅིང་གསལ་བའི་མེ་ལོང་ལྟར།། བྱེད་པ་མེད་པར་ཡེ་ནས་གནས།། སེམས་ཀྱི་ཚུལ་ཁྲིམས་མིག་རྣོ་བས།། རང་སྣང་དག་པའི་ཆོས་ཉིད
352a4 མཐོང་།། རིག་པའི་ཡེ་ཤེས་ཆེན་པོ་ཡིས།། ཆོས་དབྱིངས་རྣམ་པར་དག་པ་རྟོགས།། ཡུལ་དག་སྐྱེ་མེད་རྣམ་པར་གྲོལ།། རང་རིག་ཡེ་ཤེས་ངང་དུ་གསལ།། དབྱིངས་དང་ཡེ་ཤེས་དབྱེར་མེད་པ།། ཡེ་ཤེས་དབྱིངས་ལ
352a5 ཤར་ཞེས་བྱ།། དུས་བཞི་ཕྱོགས་བཅུའི་སངས་རྒྱས་རྣམས།། སྣང་སྟོང་ཡུལ་དུ་རིག་སྟོང་སེམས།། བདེ་སྟོང་ལུས་ལ་གནས་པ་དག། སངས་རྒྱས་དགོངས་པའི་རྒྱུན་ལ་གནས།། སྐྱེ་མེད་རྣམ་དག་ཆོས་ཉིད་སྐུ།། འཁོར
352a6 འདས་འཛིན་པ་རྒྱུ་ལས་འདས།། ས་བཅུ་འདུལ་དབང་ལོངས་སྤྱོད་རྫོགས།། ཡེ་ཤེས་སྒྱུ་མའི་སངས་རྒྱས་སྐུ།། འགྲོ་བ་འདུལ་ཕྱིར་ཡང་དག་སྤྲུལ་བའི་སྐུ།། འཁོར་བའི་རྒྱུན་ལས་རྣམ་པར་གྲོལ།། བདག་ལུས་ངག
iiif viewer powered by OpenSeadragon
