| e-texts navigator |
| Wylie |
351b1 གདན་ལས་ལངས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་བ་འདེབས་སོ།། སེམས་ཉིད་གདོད་ནས་སངས་རྒྱས་ཀྱང་།། འོན་ཀྱང་མ་རིག་མུན་པས་བསྒྲིབས།། འབྲས་བུ་ཉིད་ལ་ལམ་སྤྱོད་པའི།། གསང
351b2 སྔགས་རྡོ་རྗེ་ཐེག་པའི་དོན།། རྒྱུ་འབྲས་ལམ་དུ་སྐྱེད་བྱེད་མེད།། ཡེ་ནས་སངས་རྒྱས་ཕུང་པོ་སྐུ།། བསྐྱེད་པའི་རིམ་པ་ལེགས་སྤྱད་ཅིང་།། ཐབས་ཀྱིས་སྟོང་པས་ཡང་དག་པ།། རྫོགས་པའི་རིམ་པ་བཟང་པོ
351b3 བསྒོམ།། བསྐྱེད་རྫོགས་གྲུབ་པའི་ལྷ་དག་ལ།། མཆོག་དང་འབྲིང་གྱུར་ཐ་མའི་དོན།། སེམས་ཅན་རྣམས་ལ་བཤད་པར་འཚལ།། ཞེས་ལེགས་པར་ཞུས་སོ།། དེ་ནས་སངས་རྒྱས་ཐམས་ཅད་ཀྱི་བདག་པོ་ཉིད་གདུལ
351b4 བྱའི་བསམ་པ་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་སྔགས་ཀྱི་དོན་མཆོག་ཐམས་ཅད་འདུས་པ་ཞེས་བྱ་བ་འདི་གསུངས་སོ།། རང་བཞིན་སྣང་བ་སྐྱེ་འགག་མེད།། དེ་ཡང
351b5 འཁོར་འདས་གཉིས་ཀའི་བདག། འཁྲུལ་པའི་སྣང་བ་ཐ་དད་པ།། གཟུང་དང་འཛིན་པ་རྣམ་པར་སྣང་།། གདུལ་བྱའི་ཉོན་མོངས་གྲངས་མང་ཡང་།། དེ་སྙེད་བསྟན་པའི་སྒོ་རྣམས་གསུངས།། ཡང་དག་སངས་རྒྱས
351b6 བདེ་ཆེན་འདི།། དམིགས་པའི་ཡུལ་དང་སྒྲུབ་པའི་ཐབས།། འབྲས་བུ་ཡིན་དེ་རྣམ་པ་གསུམ།། ཇི་སྙེད་ཆོས་ཀྱི་རྩ་བར་བཤད།། བདེ་བར་གཤེགས་པའི་སྣང་བ་ནི།། སྐུ་གསུམ་ལྷུན་གྲུབ་སྤྲོས་དང་བྲལ།། ཆོས་ཐམས
iiif viewer powered by OpenSeadragon
