| e-texts navigator |
| Wylie |
351a1 རྒྱ་གར་སྐད་དུ། ལོ་ཀོ་ཏ་ར་སཱུ་ཏྲ་ནཱ་མ་ཏནྟྲ། བོད་སྐད་དུ། འཇིག་རྟེན་ལས་འདས་པའི་མདོ་ཞེས་བྱ་བའི་རྒྱུད། བཅོམ་ལྡན་འདས་རྡོ་རྗེ་འཆང་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས
351a2 གཅིག་ན། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས། ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ། རྣལ་འབྱོར་གྱི་དབང་ཕྱུག་ཆེན
351a3 པོ་བརྗོད་པ་ཐམས་ཅད་ལས་འདས་པའི་བདག་ཉིད་ཅན། སྐུ་དང་། གསུང་དང་། ཐུགས་དང་། ཡོན་ཏན་དང་། འཕྲིན་ལས་དབྱེར་མེད་པ་རྡོ་རྗེ་སྙིང་པོ་སྟེ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཙུན་མོའི་བྷ
351a4 ག་ལ་བདེ་བ་ཆེན་པོར་བཞུགས་སོ།། དེ་ཉིད་དང་དབྱེར་མེད་པ་ལས་སངས་རྒྱས་རིགས་ལྔ་ཡབ་ཡུམ་དང་། བྱང་ཆུབ་སེམས་དཔའ་ཡབ་ཡུམ་དང་། རིག་པའི་ཁྲོ་བོ་ཡབ་ཡུམ་དང་བཅས་པ་རྣམས།། བདེ་བ་དང་།
351a5 མཆོག་ཏུ་བདེ་བ་དང་། བྲལ་བའི་བདེ་བ་དང་། ལྷན་ཅིག་ཏུ་སྐྱེས་པའི་བདེ་བས། ཐ་དད་མེད་པའི་ཚུལ་གྱིས་བཞུགས་སོ།། དེའི་ཚེ་དེའི་དུས་ན། ཀུན་ཏུ་བཟང་པོ་ཡེ་ཤེས་ཀྱི་སྤྱོད་པ་རྡོ་རྗེ་འཆང་ཆེན་པོའི་འོད་ཟེར
351a6 གྱིས། སྣོད་བཅུད་ཐམས་ཅད་ཡང་དག་གསང་བ་ཆེན་པོའི་དཀྱིལ་འཁོར་དུ་སྦྱངས་ཏེ། ཀུན་ཀྱང་རྣལ་འབྱོར་བླ་ན་མེད་པ་རྡོ་རྗེ་ཐེག་པའི་གསང་སྔགས་དང་ལྡན་པར་གྱུར་ཏོ།། དེ་ནས་རྡོ་རྗེ་སྙིང་པོ་ལ་སོགས་པ
iiif viewer powered by OpenSeadragon
