| e-texts navigator |
| Wylie |
349a1 འབྱུང་བའི་མཚན་མ་འཆར།། དངོས་གྲུབ་བྱེ་བྲག་ཇི་སྙེད་པ།། ལྷ་དང་རྫས་དང་གསང་བ་དང་།། མཁའ་ལས་འབྱུང་བ་འདི་དག་ནི།། ཐབས་ལ་མཁས་པ་གསུམ་གྱིས་བླང་།། ལེགས་པར་དངོས
349a2 གྲུབ་ཐོབ་ནས་ཀྱང་།། བསྟན་པའི་ཆོ་ག་གསུམ་ལྡན་བྱ།། རྣལ་འབྱོར་སྐལ་ལྡན་སུ་ཡང་རུང་།། དུར་ཁྲོད་རྫས་ལ་བརྟེན་བཅས་ཤིང་།། བརྟུལ་ཞུགས་རྫས་ལ་ལོངས་སྤྱོད་པས།། ཐབས་མཁས་སྔགས་དང་ཕྱག་རྒྱ
349a3 ཡིས།། བར་ཆད་མེད་པར་གང་བསྒྲུབས་པ།། ཇི་ལྟར་བསྒྲུབས་པས་མྱུར་དུ་འགྲུབ།། གསང་དུ་རྣལ་འབྱོར་བསྒྲུབས་པའི་ཚེ།། རྣལ་འབྱོར་མཁའ་འགྲོ་རིགས་འཛིན་དང་།། བསྒྲུབ་པ་ཕོ་མོ་ལ་སོགས་པ།། སུས་མི
349a4 རིག་པའི་བརྡ་ཡིས་བསྟན།། ལུས་ངག་བརྡ་ཡི་མཚོན་བྱས་དེ།། འཇིག་རྟེན་མིང་བརྡ་ལས་འདས་པ།། སྤྱི་བོར་བྱུག་པ་ཕྱག་གི་བརྡ།། དཔྲལ་བ་ལན་དུ་ཤེས་པར་བྱ།། མིག་བསྒྲིམས་ཏིང་འཛིན་སྒྲིམ་པའི
349a5 བརྡ།། གཡས་པ་ལག་པ་ཟན་གྱི་སྟེ།། གཡོན་པ་ཤ་ཡི་བརྡ་རུ་བཤད།། གཡོན་པས་གཡས་ཀྱི་སྲིན་ལག་འཐོར།། ཆང་གི་བརྡ་རུ་ཤེས་པར་བྱ།། ཉུག་མའི་དྲི་སྟེ་ཕྱག་བཞག་པའི།། ཕྱག་རྒྱ་ཏིང་འཛིན་གྱིས་ཤིག
349a6 པའོ།། གཡས་སུ་འདུད་ཅིང་ལྟ་བ་ནི།། ཁམས་བདེ་མ་ཞེས་དྲི་བ་སྟེ།། གཡོན་པ་ལན་དུ་ཤེས་པར་བྱ།། གར་ལ་བསྙེན་པ་གྱེན་དུ་བཀྲོལ།། མཆོད་པ་འབུལ་བའི་བརྡ་རུ་བཤད།། ལྕེ་ལ་རེག་པའི་ལན་ཚྭའི
iiif viewer powered by OpenSeadragon
