| e-texts navigator |
| Wylie |
348a1 ལ།། དངོས་གྲུབ་སྣ་ཚོགས་རང་ལ་འཆར།། རྟགས་དང་མཚན་མ་གང་བྱུང་བ།། བར་ཆོད་ཐབས་ཀྱིས་བསམ་བྱས་ཏེ།། ཐབས་དང་ཤེས་རབ་ལྡན་པ་ཡིས།། དངོས་གྲུབ་ཡུམ་གྱི་མཁའ་ལ
348a2 བླངས།། འདི་ནི་བསྒྲུབ་པ་ཆེན་པོར་བཤད།། ལྷ་དང་རྫས་དང་ཏིང་འཛིན་གྱིས།། ཆ་ཡིས་རྣམ་པར་བགོས་ནས་ཀྱང་།། རྡོ་རྗེ་སློབ་དཔོན་ལ་ནོད་ཅིང་།། རྣལ་འབྱོར་གྲལ་གྱི་རིམ་པས་སྤྱད།། གསང་བའི་ཐབས་དང
348a3 ལྡན་པ་ཡིས།། བྱིན་བརླབས་ཐབས་དང་ལྡན་པས་བླངས།། དྲོད་ཚད་ཡལ་ཞིང་མ་བླངས་ན།། བར་ཆད་འབྲས་བུ་ཡལ་བར་འགྱུར།། བཀྲ་ཤིས་བྱིན་བརླབས་འབྱུང་བའི།། སྐྱེ་བ་བདུན་ནམ་ལྔ་གསུམ་གྱིས།། རྟགས
348a4 ལྡན་ན་སོ་དར་ལ་བབ།། རྨ་མེད་གཙང་མ་བརྟགས་ནས་ནི།། བར་ཆད་བསལ་ཞིང་བསྲུང་བ་དང་།། སྦྱང་དང་བྱིན་བརླབས་བཀྲུས་པ་དང་།། ཆོ་ག་བཞིན་དུ་བསྐོས་བཏབ་ལ།། དབང་དང་དངོས་གྲུབ་ལྷའི
348a5 རྫས།། མཆོད་པ་ལ་སོགས་པ་ཡི་དོན།། མཐའ་ཡས་འདི་ལས་འབྱུང་བ་སྟེ།། དཔེར་ན་ཡིད་བཞིན་ནོར་བུ་དེ།། ཚེ་དང་པྲ་དང་ཡོ་བྱད་དང་།། རྐང་མགྱོགས་གྲུབ་པའི་རྫས་ལ་སོགས།། དུར་ཁྲོད་རྫས་ལ་བརྟེན་པས
348a6 འགྲུབ།། སྙིང་དང་མཚན་མ་ནང་ཁྲོལ་དང་།། ཡན་ལག་ལྔ་ནི་དུར་ཁྲོད་དེ།། མ་མོ་བརྒྱད་ཀྱི་རྫས་སུ་དགོད།། འཕྲ་མེན་གསང་བའི་གནས་ཡིན་ཏེ།། ནིའུ་སེང་སྒོ་མའི་དོན་དུ་བཤད།། སྒལ་ཚིགས་དབང་ཕྱུག་རྣམས
iiif viewer powered by OpenSeadragon
