| e-texts navigator |
| Wylie |
346a1 གཞན་མེད་རིག་པ་རང་སྣང་བའོ།། སྒོ་གསུམ་སྤྱོད་ཡུལ་མཐའ་ཡས་པ།། བདག་ཉིད་ཆེན་པོར་གསལ་བ་ཡིས།། ཞེན་ཆགས་གདུང་བ་ཀུན་སྤངས་ལ།། མཆོག་གི་སྦྱོར་བ་སྤྱོད་བྱ་ཞིང་།། ཡང་འཇིགས
346a2 པ་མེད་པར་བྱ།། མཆོད་པ་དུས་དྲུག་ཇི་ལྟ་བཞིན།། དཀྱིལ་འཁོར་ཉིན་མཚན་དུས་འཚམས་སུ།། དུར་ཁྲོད་ཐལ་བ་ཚོན་གྱིས་ཏེ།། དངོས་གྲུབ་རྫས་ཀྱང་དེ་བཞིན་ནོ།། ཏིང་འཛིན་འཇུག་པའི་ཐུན་མཚམས
346a3 སུ།། གཏོར་མ་བཟའ་བཏུང་བྱིན་བརླབས་དག། ནང་ནུབ་དུས་སུ་དེ་བཞིན་ཏེ།། ཉི་ཟླ་རྡོ་རྗེ་བླ་འོག་གུར།། ཇི་ལྟ་བཞིན་དུ་རྟག་ཏུ་བསྲུངས།། ཟས་དང་གོས་དང་བཅུད་ལྡན་པས།། སྐྱོ་མེད་འཇུག་པའི་ཡིད་ལྡན
346a4 པས།། སྒོ་གསུམ་སྐྱེ་མཆེད་བྱིན་བརླབས་པས།། རྣལ་འབྱོར་ཐབས་དང་ཤེས་རབ་བོ།། དབང་དང་དུར་ཁྲོད་རྫས་དག་ལ།། ལྷའམ་བྱིན་བརླབས་ཐབས་ཀྱི་བྱ།། གཤེགས་དང་བསྐུལ་དང་བར་ཆད་འདུལ།། མཆོད
346a5 བསྟོད་གསོལ་བ་གདབ་པ་ནི།། མཆོག་གི་བསྒྲུབ་པའི་དུས་སུ་སྟེ།། དུས་དྲུག་དག་ཏུ་ཤེས་པར་བྱ།། གང་དུ་ཐབས་དང་མི་ལྡན་པས།། ཇི་ལྟར་བསྒྲུབས་ཀྱང་མི་འགྲུབ་ཅིང་།། བྱིན་བརླབས་མེད་ཅིང་གཡེལ་བ
346a6 དང་།། བར་ཆད་ཉམས་ལེན་འབྱུང་བར་འགྱུར།། འཁོར་བ་དག་པར་བྱ་བ་དང་།། མཆོག་གསུམ་བདག་ཉིད་ལས་བྱུང་ཞིང་།། རྡོ་རྗེ་གསུམ་ཚེ་འདིས་འགྲུབ་ཅིང་།། རྡོ་རྗེ་དབང་གི་ཆོ་ག་བྱ།། དུར་ཁྲོད་འབར་བའི
iiif viewer powered by OpenSeadragon
