| e-texts navigator |
| Wylie |
345b1 གཅིག་ཕྱིར་རྫས་ཀྱང་གཅིག། རྣམ་ཤེས་རང་བཞིན་གཅིག་ཏུ་སྟེ།། སྣང་བ་གཅིག་ཏུ་འདིར་བསྡུས་བྱ།། དེ་བས་སོ་སོར་ཕྱེ་བ་དག། མོས་སོགས་དམན་པའི་དོན་དུ་སྟེ།། དམ་པའི་དོན་དུ་ཀུན་གཅིག་པའོ།། གདུལ
345b2 བྱའི་བསམ་པ་དང་སྦྱར་ནས།། རབ་འབྲིང་ཟ་མའི་བློ་བཞིན་དུ།། སྐུ་གསུང་ཐུགས་ཀྱི་དཀྱིལ་འཁོར་དག། བསྡུས་རྒྱས་རིམ་པར་ཕྱེ་བ་ཡིས།། ཆོ་ག་དགོངས་པ་ལ་སོགས་པ།། ལམ་སོགས་གསོལ་བའི་རིམ་པ
345b3 ནི།། གང་ཕྱིར་ནུས་པ་མེད་པས་ན།། དེའི་ལས་ལ་ནུས་པ་མེད་དེ།། གོམས་ཤིང་ནུས་པས་གཏན་འཕེལ་བ།། དེ་བས་གསོ་བ་མཆོག་ཏུ་བཤད།། དཀྱིལ་འཁོར་རྫས་དང་ཏིང་འཛིན་དང་།། གཏོར་མ་འབྲུ་དང་བཅུད
345b4 ཉིད་དང་།། དངོས་གྲུབ་རྫས་དང་ཆོ་ག་དང་།། ཉིན་མཚན་འཇུག་པའི་སྐབས་དག་ཏུ།། གསོ་བའི་ཆོ་ག་བརྩམ་པར་བྱ།། ལས་ཀྱི་ཆོ་ག་ཐམས་ཅད་ལ།། མཆོག་ཏུ་དགོས་པར་བཤད་པ་སྟེ།། གཞན་དུ་རྫས་སོགས་སྣ
345b5 ཚོགས་ལ།། བྱིན་བརླབས་ཡ་མཚན་འབྱུང་མི་འགྱུར།། གསང་ཆེན་ཐབས་ཀྱི་ཆོ་ག་འདི།། རང་ལ་གནས་ཤིང་འགྲུབ་པའི།། དུར་ཁྲོད་ཆེན་པོ་ལ་བརྟེན་པའི།། བསྒྲུབ་པའི་ཆོ་ག་ཐམས་ཅད་ཡིན།། ཇི་སྙེད་ཐབས
345b6 དང་ཐེག་པ་དང་།། འདུལ་བའི་ཕྱག་རྒྱ་ཅིར་སྣང་ཡང་།། ཐབས་ཀྱིས་འདུལ་བའི་དོན་དུ་ཟད།། ཕྱི་ནང་སྣོད་བཅུད་སྤྱོད་ཡུལ་འདི།། རྣལ་འབྱོར་ཐབས་ལྡན་སྐྱེས་བུ་ཡིས།། མེ་ལོང་དངས་པའི་གཟུགས་བརྙན་ལྟར།།
iiif viewer powered by OpenSeadragon
