| e-texts navigator |
| Wylie |
345a1 པས།། འབད་རྩོལ་མེད་པར་འགྲུབ་པར་འགྱུར།། དཀྱིལ་འཁོར་སངས་རྒྱས་རང་བཞིན་ཏེ།། སྙིང་པོ་སྐུ་གསུང་ཐུགས་སུ་བཤད།། རང་བཞིན་མཛད་པའི་ངོ་བོ་དང་།། དགོངས་པ་བདེ་བ་སྐུ
345a2 གསུང་ཐུགས།། སྙིང་པོ་རོ་གཅིག་ཀུན་འདུས་པས།། བདེ་བ་ཆེན་པོ་ངོ་བོ་ཉིད།། ཐམས་ཅད་འདིར་འདུས་གཉིས་སུ་མེད།། དཀྱིལ་འཁོར་དཀྱིལ་འཁོར་ཐམས་ཅད་ཀྱིས།། སྐུ་ནི་བདེ་ཆེན་སྒྱུ་མ་སྟེ།། གསུང་ནི་བྲག
345a3 ཆ་ལྟ་བུ་སྟེ།། ཐུགས་ནི་རང་བྱུང་གཉིས་སུ་མེད།། སྙིང་པོ་དབྱེར་མེད་དོན་རྫོགས་ལ།། སྐུ་དང་ཕྱག་རྒྱ་བཟླས་པ་དང་།། དཀྱིལ་འཁོར་འཕྲོ་འདུ་མཆོད་པ་དང་།། སྦྱིན་སྲེག་ལ་སོགས་མང་བཤད་པ།། དང་པོ་ལས
345a4 ཅན་སྦྱང་བ་དང་།། མཚན་པའི་དོན་ལ་གཞུག་ཕྱིར་བསྟན།། མ་བཅོས་དོན་ལ་དབྱེར་མེད་པས།། ཡན་ལག་མེད་ཅིང་ཆ་ཤས་མེད།། འཕེལ་གྲིབ་མེད་ཅིང་སྦྱང་དུ་མེད།། གནས་དམིགས་འགྲོ་འོང་བསམ་སྦྱོར
345a5 འདས།། ནམ་མཁའ་ལ་ནི་འཇའ་ཚོན་དང་།། ཆུ་ཡི་རླབས་དང་བྲག་ཆ་ལྟར།། རྣལ་འབྱོར་རྒྱུན་དུ་ནན་ཏན་བྱ།། མཚན་མ་ཡལ་ག་འབྲས་བུ་མིན།། སྙིང་པོའི་དོན་ཉིད་འབྲས་བུ་སྟེ།། གདོད་ནས་མ་བཙལ་རྫོགས་པ
345a6 ལ།། རྟོགས་ནས་ཐམས་ཅད་འབྱུང་རྫོགས་ཕྱིར།། རྒྱུ་རྐྱེན་བྱ་བྱེད་ཀུན་ལས་འདས།། ལྷ་རྣམས་གཅིག་ཕྱིར་ཕྱག་རྒྱ་གཅིག། སྙིང་པོའི་དོན་ཉིད་འབྲས་བུ་སྟེ།། སྙིང་པོ་གཅིག་ཕྱིར་བཟླས་བརྗོད་ཅིག། དཀྱིལ་འཁོར
iiif viewer powered by OpenSeadragon
