| e-texts navigator |
| Wylie |
344b1 གསུངས།། མ་རུངས་གདུལ་ལ་དྲག་པོ་སྟེ།། སྔགས་གསུམ་རིག་པ་ལ་སྦྱར་ནས།། ལས་བཞི་བྱེ་བྲག་བརྩམ་པར་བྱ།། བདག་ཉིད་རྣལ་འབྱོར་ལྡན་པ་ཡིས།། ཆོ་གའི་སྦྱོར་བ་ཐམས་ཅད་ལ།། རྟེན་འབྲེལ་སྔགས་ཀྱི
344b2 ཕྱག་རྒྱ་ཡིས།། མ་ནོར་སྦྱོར་བར་ལས་བརྩམས་པར།། ཇི་ལྟར་བསྒྲུབས་ཀྱང་འགྲུབ་པ་སྟེ།། རང་བཞིན་ཐབས་ཀྱི་བྱིན་བརླབས་ཉིད།། གང་ལྟར་བསམ་པ་བཞིན་དུ་འགྲུབ།། བདག་ཉིད་ཆེན་པོ་ལ་གནས
344b3 པས།། གཞན་ནས་སྤྱོད་ཡུལ་མ་གྲུབ་པ།། ཏིང་འཛིན་བདེ་བ་མ་ཡིན་པས།། དངོས་སོགས་མཚན་མ་སྤོང་བ་ཡིན།། ཐམས་ཅད་བདག་ཉིད་ཆེན་པོ་སྟེ།། བྱིན་བརླབས་ནུས་མཐུ་རང་སྣང་བ།། རང་གིས་རྣལ་འབྱོར
344b4 གོམས་པའི་སྟོབས།། ཐུན་མོང་ཐུན་མོང་མ་ཡིན་པའི།། བདག་དང་གཞན་དོན་ལྷུན་གྱིས་གྲུབ།། ཐ་མལ་རྟོག་པ་ཞི་བ་དང་།། ཉམས་དང་བདེ་བ་རྒྱས་པ་དང་།། དྲན་རྟོགས་སྣང་བ་ཐིམ་པ་དང་།། ཞེ་སྡང་བག་ཆགས
344b5 མི་སྣང་བ།། རྟོགས་དང་གོམས་པས་སྟོབས་ལྡན་དང་།། བདག་ལ་སྣང་བའི་སྦྱོར་བ་ཡི།། བདག་ཉིད་རྣལ་འབྱོར་སྦྱོར་བ་ཡིས།། དཀྱིལ་འཁོར་རྫས་དང་ཐབ་ཁུང་མེད།། ཆོ་ག་སྔགས་དང་ཕྱག་རྒྱ་མེད།། མ་ལུས
344b6 རང་བཞིན་མཉམ་སྦྱོར་བས།། གདུལ་བྱ་མོས་པ་ཇི་བཞིན་དུ།། འཕྲིན་ལས་མ་བྱས་རང་བཞིན་རྫོགས།། སྦྱིན་སྲེག་མེད་ཅིང་བྱ་བ་མེད།། བདག་མེད་གཞན་མེད་མཉམ་པ་ཉིད།། རང་བཞིན་རྟོགས་གོམས་སྦྱོར་ལྡན
iiif viewer powered by OpenSeadragon
